काठमाडौं (हाम्रो खेलकुद) – विभागीय त्रिभुवन आर्मी क्लब र गन्डकी प्रदेश इटहरिमा जारी दोस्रो सभामुख कप पुरुष भलिबल प्रतियोगिताको सेमिफाइनलमा प्रवेश गरेका छन् ।
इटहरी रंगशालास्थित भलिबल कोर्टमा शनिबार भएको खेलमा उपाधिको दावेदार आर्मीले क्वाटरफाइनलमा प्रदेश नम्वर ५ लाई ३–० को सोझो सेटमा पराजित गर्दै अन्तिम चारमा पुग्न सफल भएको हो । आर्मीले प्रदेश ५ माथि २५–२२, २५–१९ र २५–२१ को सहज जित निकाल्यो ।
शनिबारै भएको अर्काे क्वाटरफाइनलमा गन्डकी प्रदेश, नेपाल एपिएफ क्लब र नेपाल पुलिस क्लबले पनि आ–आफ्नो प्रतिद्धन्द्धीलाई पराजित गर्दै अन्तिम चारमा स्थान बनाएको छ । अब सेमिफाइनलमा दुई भिागीय टोली नेपाल एपिएफ क्लब र नेपाल पुलिस क्लब तथा गन्डकी प्रदेश र आर्मीबीच प्रतिस्पर्धा गर्नेछ । सेमिफाइन खेल आइतबार हुनेछ ।
प्रतियोगितामा सात प्रदेश र तीन विभागीय टोली गरी १० टोलीको सहभागिता रहेको छ । प्रतियोगिताको विजेताले ४ लाख, रुपैया र उपविजेताले २ लाख रुपैयाँ प्राप्त गर्ने छन् । तेस्रो हुनेले १ लाख रुपैयाँ पाउनेछ ।
