काठमाडौं (हाम्रो खेलकुद)
राष्ट्रिय महिला भलिबल टोलीकी स्पाइकर प्रतिभा माली र कोपिला उप्रेतीले सम्मिलित मिस्कियामागु इजी माल्दिभ्सको राष्ट्रिय महिला क्लब लिग च्याम्पियनसिपमा पराजित भएको छ ।
हिजो राती भएको खेलमा खेलमा मास्यिामागु पुलिस क्लबसँग ३–१ ले पराजित भएको हो । अघिल्ला दुई खेल लगातार जितेको मिस्यिामागुमाथि पुलिस क्लबले २५–१५,२५–१७,२०–२५ र २५–१९ को जित हासिल गरेको थियो ।
प्रतिभा र कोपिलाको टोलीले पहिलो खेलमा माल्दिभियन क्लबलाई र पोल स्टारलाई हराएको थियो । ती दुवै जितमा प्रतिभा क्विन अफ दी म्याच घोषित भएकी थिइन् ।
नेपाली अन्य दुई खेलाडी मञ्जु गुरुङ र अरुणा शाही सम्मिलित फेयस्दाले भने बिहीबारको खेलमा पोलस्टारलाई हराएको थियो । त्यो खेलमा अरुण क्लिन अफ दी म्याच चुनिएकी थिइन् । फेयस्दा पहिलो खेलमा माल्दिभियन क्लबसँग पराजित भएको थियो ।
प्रतिभा र कोपिलाको मिस्कियागु र मञ्जु र अरुणाको फेयस्दाले बीच लिगको अन्तिम दिन नोभेम्बर १६ मा प्रतिस्पर्धा गर्नेछ । त्यसअघि फेयस्दाले आइतबार पुलिस क्लबको सामना गर्नेछ ।
