काठमाडौं (हाम्रो खेलकुद) – भ्याली पब्लिक स्कुलको महिला तथा पुरुष बास्केटबल टोली नेसनल स्कुल अफ साइसेन्स (एनएसएस) उपत्यकाब्यापी अन्तरविद्यालय प्रतियोगिताको उपाधिनजिक पुगेका छन् ।

शुक्रबार भएको सेमिफाइनमा पुरुषतर्फ भ्याली पब्लिक र बौद्ध एकेडेमी तथा महिलातर्फ दिक्षालय र भ्याली पब्लिक विजयी हुँदै फाइलनमा स्थान बनाएका हुन् । बास्केटबलकै तेस्रो स्थानको भिडन्तमा महिलातर्फ संस्कृती र बौद्ध स्कुलबीच प्रतिस्पर्धा हुँदा पुरुषतर्फ सेन्ट जेभियर स्कुल र कान्जीरोवा राष्ट्रिय स्कुलबीच भिडन्त हुनेछ ।

प्रतियोगिताअन्तर्गत फुटबलको फाइनल खेल शनिबार नै हुनेछ । उपाधिका लागि राजर्शी गुरुकुल र एभरेस्टबीच प्रतिस्पर्धा हुनेछ । तेस्रो स्थानको खेलमा बृहस्पती विद्यासदन र विद्यासंस्कार इन्टरनेस्नल स्कुल आमनेसामने हुनेछन् ।

प्रतियोगिताको फुटबलतर्फ सेन्ट जेभियर स्कुल, विद्यासंस्कार इन्टरनेस्नल स्कुल, जनप्रेमी हाइ सेकेन्डरी स्कुल, बृहस्पती विद्यासदन, एभरेस्ट पब्लिक स्कुल, बौद्ध इन्टरनेस्नल स्कुल, निस्ट, निसर्ग बाटिका स्कुल, इम्पेरियल वर्ड स्कुल, जन डेवी स्कुल, राजर्शी गुरुकुल स्कुल र त्रियोग हाइ स्कुलगरी १२ टोलीको सहभागीता थियो ।

बास्केटबलतर्फ सेन्ट जेभियर स्कुल, भ्याली पब्लिक स्कुल, बौद्ध इन्टरनेस्नल स्कुल, जनप्रेमी हाइ सेकेन्डरी स्कुल, इम्पेरियल वार्ड स्कुल, निस्ट ए, निसर्ग बाटिका स्कुल, त्रियोग हाइ स्कुल, काठमाडौं प्रज्ञाकुञ्च, बुद्ध एकेडेमी, कान्जीरोव नेस्नल स्कुल, निस्ट बी, दिक्षालय फाउन्डेसन, संस्कृति इन्टरनेस्नल स्कुल र विद्या संस्कार स्कुल गरी ११ टोलीको सहभागीता रहेको छ ।