पद्मोदय आमन्त्रण पुरुष भलिबल प्रतियोगिता हुने

काठमाडौं, फागुन ११
पद्मोदय युवा क्लब चितवनको आयोजनामा पद्मोदय आमन्त्रण पुरुष भलिबल प्रतियोगिता हुने भएको छ ।

क्लबले राजधानीमा एक कार्यक्रमको आयोजना गर्दै प्रतियोगिता फागुन २३ गतेबाट २६ गतेसम्म पदम पोखरी चितवनमा हुने भएको हो ।
प्रतियोगितामा नेपालका तीन विभागीय टिम नेपाल आर्मी, एपिएफ रनेपाल प्रहरीको टिमसहित भारतको बीएमडब्लु र स्ट्रेट, बंगलादेशको टाइटन क्लब र भुटानको टिमले प्रतियोगितामा सहभागिता जनाउनेछ ।
प्रतियोगिताको विजेताले नगद १लाख ५०हजार प्राप्त गर्नेछन् । यस्तै दोस्रो हुनेले १ लाख तथा तेस्रो हुने टिमले ५० हजार रुपैया प्राप्त गर्नेछ ।
प्रतियोगिताको लागि करिव २६ लाख खर्च हुने अनुमान आयोजकले गरेको छ । खर्च रकम टिकट र स्थानीय प्रायोजकबाट पुरा गरिने आयोजकले जनाएको छ ।