काठमाडौं, फागुन २१ । दुई विभागीय नेपाली सेनाको त्रिभुवन आर्मी क्लब र नेपाल पुलिस क्लब ‘प्रथम रुस्लान कप २०७२’को उपाधिको लागि भिड्ने भएको छ ।

त्रिवि क्रिकेट मैदान कीर्तिपुरमा शुक्रबार भएको खेलमा दुवै टिमले सेमिफाइनलमा आ–आफ्नो खेल जित्दै उपाधि भिडन्त पक्का गरेको हो । पहिलो खेलमा त्रिभुवन आर्मीले बुटवलको न्यू होराइजन क्रिकेट क्लबलाई ८ विककेटले पराजित गर्दै फाइनलमा प्रवेश ग¥यो । न्यू होराइजनले दिएको ८५ रनको झिनो लक्ष्य आर्मीले १४.५ ओभरमा दुई विकेट गुमाएर पुरा ग¥यो । आर्मीको जितमा सागर पुनले २६ रनको योगदान दिए । यस्तै नरेश बुढाऐर २० तथा विनोद भण्डारी १८ रनमा अविजित रहे । अनिल मण्डल ११ रनमा पभेलियन फर्किए । न्यू होराइजनका देवेन्द्र सिमोरे र राहुल प्रजापतिले समान एक–एक विकेट लिए ।

यसअघि टस हारेर पहिले ब्याटिङको निम्तो पाएको न्यू होराइजनले निर्धारित २० ओभरको खेलमा सबै विकेट गुमाउदै ८४ रनमात्र बनाउन सक्यो । न्यु होराइजनका निर्मल थापा २० रन बनाएर आउट भए । सन्दिप सुनारले १८ तथा निरध्वोज सेनले १५ रन बनाउदा अन्य ब्याट्सम्यानरुले गतिलो प्रदर्शन गर्न सकेनन् न्यू होराइजनको पारी धराशयी बनाउने क्रममा आर्मीका सागर पुन एक्लैले चार विकेट हात पारे । यस्तै चन्द्र सावतले तीन तथा सोमपाल कामी र विक्रम सोवले समान एक–एक विकेट लिए ।
यस्तै दुई विभागीय टिम(पुलिस र एपिएफ)बीच शुक्रबारै भएको दोस्रो सेफिाइनलमा नेपाल पुलिस क्लबले ५ विकेटले बाजी मा¥यो ।
एपिएफले दिएको १२३ रनको मध्यम लक्ष्य पुलिसले १८.५ ओभरमा ५ विकेट गुमाउदै पुरा ग¥यो । पुलिसको जितमा शंकर रानाले सर्वाधिक ३६ रनको योगदान दिदा अमित श्रेष्ठ ३४ रन बनाएर पभेलियन फर्किए । ओपनर ब्याट्सम्यान सुनिल धमलाले १६ रन जोडे । मञ्जित श्रेष्ठ ९ रनमा आउट हुदा प्रेम तामाङ ७ रनमा अविजित रहे । एपिएफका शक्ति गौचन एक्लैले पाँच विकेट लिएपनि त्यो जितको लागि पर्याप्त भएन । यस्तै बसन्त रेग्मीले एक विकेट हात पारे ।

यसअघि टस हारेर पहिले ब्याटिङको निम्तो पाएको एपिएफले सुवाश खकुरेलको ५४ रनको अर्धशतक मद्दतमा ८ विकेट गुमाएर १२२ रनको योगफल तयार पारेको थियो । यस्तै प्रदिप ऐरीले २५ तथा कप्तान ज्ञानेन्द्र मल्लले १६ रन जोडेपनि अन्य ब्याट्सम्यानहरुले राम्रो प्रदर्शन गर्न नसक्दा एपिएफ मध्यम योगफलमै समेटियो । पुलिसका मञ्जित श्रेष्ठले तीन विकेट हात पारे । दिपेन्द्र ऐरीले दुई विकेट तथा ललित भण्डारीले एक विकेट लिए ।

प्रतियोगिताको विजेताले ट्रफीसहित २ लाख रुपैया प्राप्त गर्नेछ । उपविजेताले १ लाख पाउनेछ ।