काठमाडौं (हाम्रो खेलकुद) – सुबिसु केबलनेट प्राईभेट लिमिटेडको मुख्य प्रायोजनमा सुबिसु कर्पाेरेट गल्फ प्रतियोगिता शनिबार हुने भएको छ । प्रतियोगितामा विभिन्न कर्पोरेट हाउसका खेलाडीको सहभागिता रहने राजधानीमा बिहीबार पत्रकार सम्मेलन गर्दै आयोजकले जानकारी दिएका छन् ।

रोयल नेपाल गल्फ क्लबमा हुने प्रतियोगिता स्टेबल फोर्ड फम्र्याटको ३ र ४ ह्यान्डिक्यापको आधारमा हुने छ ।प्रतियोगितामा विभिन्न बैंक, कर्पोरेट हाउसका कार्यरत ४ महिला सहित ६० गल्फरले प्रतिस्पर्धा गर्ने बताइएको छ ।छ । प्रतियोगिताको बिजेताले ट्रफि तथा गिफ्ट ह्याम्पर पाउने छन् ।

विजेतालाई गिफ्ट ह्याम्परको रूपमा सुबिसुले आफ्नो ईन्टरनेट सेवा उपलब्ध गराउने छ । त्यस्तै खेलाडीको परिवारको मनोरन्जनको लागी फन प्रोग्रामहरू समेत राखिने आयोजकले जनाएको छ । सुबिसुले पहिलो पटक मुख्य प्रायोजक भएर खेलकुद प्रतियोगिता आयोजना गर्न लागेको यो पहिलो पटक हो । यसपटकको प्रतियोगिता सफल भएमा अर्को बर्षपनि आयोजना गरिने सुबिसुका सिईओ बिनय मोहन साउदले बताए ।