सुमन अधिकारी,बुटवल

नेपाल जिम्न्यास्टिक संघको बुटवलमा भएको लुम्बिनी प्रदेश भेलाले संघको प्रदेश समिति गठन गरेको छ ।

बिहीवार भएको भेलाले प्रदिप कुमार उदयको अध्यक्षतामा संघको प्रदेश समिति गठन गरेको हो । समितिमा निर्मित कसजु उपाध्यक्ष, कमला शर्मा पोखरेल (मन्जु) महिला उपाध्यक्ष, मोहन लाल जोशी सचिच, आयुष बोगटी कोषाध्यक्ष छन् ।

कदम शर्मा महिला सदस्य, सुमन अधिकारी, मधुसूदन घिमिरे (मुनाल), झविन्द्र फुल्लेल, सचिन कुँवर, डा. जुनेद मोहम्मद र अरुन प्रधान सदस्य रहेका छन् । रिक्त सह कोषाध्यक्ष र १ जना सदस्य महिलाबाट राखिने नवनिर्वाचित अध्यक्ष उदयले बताए ।

भेलामा अखिल नेपाल फुटबल संघका उपाध्यक्ष दिर्घबहादुर केसी, जिम्न्यास्टिक संघका केन्द्रीय प्रतिनिधि सन्तोष पाण्डे, लुम्बिनी प्रदेश खेलकुद परिषदका सदस्य अमृत केसी लगायतले नियमित खेल नहुदा ओलम्पिक खेलका रुपमा रहेको जिम्न्यास्टिक लोप हुने अवस्थामा पुगेको बताउँदै त्यसलाई पुनः जगाएर अगाडि बढाउनु पर्ने सुझाव दिएका थिए ।

नेपालमा पाँच दशक अगाडिबाट औपचारिक रुपमा जिम्न्यास्टिक खेल्न थालिएको भएपनि अलिहेसम्मको ठूलो उपलब्धि दक्षिण एसियाली खेलकुद सागमा प्राप्त दुई वटा कास्य रहेका छन् । नेपालबाट अहिलेसम्म ४ जना जिम्न्यास्टिक खेलाडीले ओलम्पिकमा सहभागिता जनाएका छन् ।