काठमाडौं, चैत ४
बर्नहार्ट कलेजको आयोजनामा शुक्रबारदेखि चौथो बर्नहाट कप अन्तर कलेज टबेल टेनिस प्रतियोगिता हुने भएको छ ।
बिहीबार बाफलस्थित बर्नहाटमा आयोजित पत्रकार सम्मेलनमा कलेजका सहायक प्रमुख शहदेव शिग्देलले जानकारी दिए ।
लैनचौरस्थित राष्ट्रिय टेलबटेनिस प्रशिक्षण हलमा संचालन हुने प्रतियोगितामा पुरुष सिगंल्स, पुरुष डबल, महिला सिगंल र टिम इभेन्टतर्फ खेल हुनेछन् । प्रतियोगितामा कुल १८ कलेजको सहभागिता रहेको बर्नहाटका निर्देशक रामचन्द्र थापाले बताए ।
दुई दिनसम्म चल्ने प्रतियोगितामा विजेता खेलाडी तथा टिमले ट्रफि, मेडल तथा प्रमाणपत्र प्राप्त गर्नेछन् । प्रतियोगिताको अनुमानित लागत एक लाख ७५ हजार लाग्ने कलेजका को–अर्डिनेटर केशव पौडेल बताए । प्रतियोगिताको गत सस्करण आयोज कबर्नहर्ट कलेज नै हो ।
प्रतियोगितामा पुरुष र महिलातर्फको बेस्ट प्लेयरलाई ट्रफि र प्रमाण पत्र प्रदान गरिनेछ । प्रतियोगिता मार्फत नयाँ प्रतिभावान खेलाडी उत्पादनमा मद्धत पुग्ने सह–प्रमुख सिग्देलले बताए ।
