काठमाडौं (हाम्रो खेलकुद) – राष्ट्रिय खेलकुद परिषद (राखेप) ले सम्बन्धित संघको सिफारिसमा १३औं दक्षिण एसियाली खेलकुद (साग) का लागि जेठ तेस्रो सातादेखि विभिन्न खेलका खेलाडीलाई विशेष प्रशिक्षण राखेको थियो ।
अहिले सागमा समावेश २७ खेलमध्ये केही खेलबाहेक सबै खेलको विशेष प्रशिक्षण जारी छ ।
यस्तोमा नेपाल एथलेटिक्स संघले २६ खेलाडीलाई समावेश गर्दै गत २७ गतेबाट विशेष प्रशिक्षणको सुरु गरेको थियो । तर, १३औं सागमा पदक दिलाउने सम्भावना बोकेका कीर्तिमानी खेलाडीद्धय सोम बहादुर कुमाल र अजित कुमार यादव नै राष्ट्रिय टोलीमा अटाएनन् ।
दुवै खेलाडीले संघकै सिफारिसमा कतारमा खेल्न गएको र आठौं राष्ट्रिय खेलकुदमा संघले एसियन एथलेटिक्स सहभागी जनाउन आग्रह गर्दै १३औं सागको लागि विशेष प्रशिक्षणमा पनि राख्ने आश्वासन दिएको बताएका थिए । तर, विशेष प्रशिक्षण शुरु भइसक्दा पनि यी दुई खेलाडीले मौका नै नपाउने हो कि भन्ने शंकामा पुगेको थिए । अब भने त्यो शंका हटेको छ ।
यस सम्बन्धी हाम्रो खेलकुद डटकमले अध्ययन गर्दै उनीहरुलाई आठौं राष्ट्रिय खेलकुदमा भाग नलिएको कारण राष्ट्रिय टोलीबाट फालिएको सुचना भेट्टायो । हामीले स्टार खेलाडीहरु नै बाहिरिएपछि यस सम्बन्धी अझै अनुसन्धान गर्दा यी दुई खेलाडीले संघकै सिफारिसमा आठौं राष्ट्रिय खेलकुदलाई त्याग्दै कतारको दोहामा आयोजना भएको एसियाली एथ्लेटिक्समा सहभागिता जनाएका थिए । सोम र अजितले राखेप एथलेटिक्स संघ र सम्बन्धित विभागमा संघकै सिफारिसमा एसियन एथलेटिक्स खेल्न जान लागेको बताउदै आठौं राष्ट्रिय खेलकुद खेलेका थिएनन् ।
हामीले गत सोमबार करिव ११ बजेतिर ‘कीर्तिमानी अजित र सोम राष्ट्रिय टोलीमा अटाएनन्’ भन्ने शीर्षकमा समाचार लेखेपछि संघले तत्कालै उनीहरु राष्ट्रिय टिममै रहेको बताउँदै दुवै खेलाडीलाई विशेष प्रशिक्षणको लागि सम्वन्धित विभागमा पत्र पठाएर खेलाडीलाई विशेष प्रशिक्षणको लागि बोलायो ।
अजितले मंगलबार देखि नै राष्ट्रिय टोलीसँगै प्रशिक्षण गरिसकेका छन् । अर्का कीर्तिमानी खेलाडी सोमको केही प्रक्रिया नमिल्दा केही दिनपछि विशेष प्रशिक्षणमा समावेश हुने एथलेटिक्सका मुख्य प्रशिक्षक विक्रम जंग थापाले बताएका छन् । आर्मीका प्रशिक्षक पुष्पराज ओझाले केही प्राविधक कारण सोमको ढिलाई भएको र बुधबारसम्म यो समस्या समाधान भइसक्ने बताएका छन् ।
सोम ट्र्याक एन्ड फिल्डका ४००, ८०० र १५०० मिटरको च्याम्पियन हो । सोमले ८०० मिटरमा धनीराम चौधरीको नाममा रहेको २३ वर्षअघिको कीर्तिमा तोडेका थिए । चौधरीले ८ सय मिटर दौड १ मिनेट ५०.६० सेकेन्डको राष्ट्रिय कीर्तिमान स्थापित थियो ।
अजितले हङकङमा भएको तेश्रो एसियाली युथ एथलेटिक्स च्याम्पियनसिपमा स्वर्णपदक जित्दै ४५ वर्षपछि ऐतिहासिक पदक दिलाएका थिए । पुरुष ३ हजार मिटर दौडमा अजितले निर्धारित दूरी ८ मिनेट ३०.३२ सेकेन्डमा पूरा गरेका थिए ।
अजितले आफ्नै नाममा रहेको जुनियर राष्ट्रिय कीर्तिमान पनि सुधार गरेका थिए । यसैवर्ष राखेपले आयोजना गरेको केन्द्रीय विद्यालयस्तरीय राष्ट्रपति रनिङ सिल्डमा अजितले ८ मिनेट ४४.९ सेकेन्डको जुनियर राष्ट्रिय कीर्तिमान बनाएका थिए । सिनियरमा भने यो कीर्तिमान ज्ञानबहादुर बोहराको नाममा छ । उनले १९९९ मा भारतको नयाँ दिल्लीमा भएको एथलेटिक्स च्याम्पियनसिपमा ८ मिनेट २३.५९ सेकेन्डको कीर्तिमान रचेका थिए । नेट ३०.३२ सेकेन्डमा पूरा गरेका थिए ।
अजितले आफ्नै नाममा रहेको जुनियर राष्ट्रिय कीर्तिमान पनि सुधार गरेका छन् । यसैवर्ष राष्ट्रिय खेलकुद परिषद्ले आयोजना गरेको केन्द्रीय विद्यालयस्तरीय राष्ट्रपति रनिङ सिल्डमा अजितले ८ मिनेट ४४.९ सेकेन्डको जुनियर राष्ट्रिय कीर्तिमान बनाएका थिए । सिनियरमा भने यो कीर्तिमान ज्ञानबहादुर बोहराको नाममा छ । उनले १९९९ मा भारतको नयाँ दिल्लीमा भएको एथलेटिक्स च्याम्पियनसिपमा ८ मिनेट २३.५९ सेकेन्डको कीर्तिमान रचेका थिए ।
