2 years ago
May 27, 2022
काठमाडौं (हाम्रो खेलकुद) – १०औं संस्करणको ‘कान्तिपुर हाफ म्याराथन’ यसै महिना आयोजना हुने भएको छ । आयोजक कान्तिपुर मिडिया ग्रुपले शुक्रबार राजधानीमा पत्रकार सम्मेलनको आयोजना गर्दै १०औं संस्करणको हाफ म्याराथन जेठ २१ गते शनिबार हुने जानकारी गराए । कोभिड १९ को महामारीका कारण यसअघिको दुई वर्ष हाफ म्याराथन आयोजना गर्न नसकिएको र यसपटक देखि सोही […]
काठमाडौं (हाम्रो खेलकुद) – १०औं संस्करणको ‘कान्तिपुर हाफ म्याराथन’ यसै महिना आयोजना हुने भएको छ । आयोजक कान्तिपुर मिडिया ग्रुपले शुक्रबार राजधानीमा पत्रकार सम्मेलनको आयोजना गर्दै १०औं संस्करणको हाफ म्याराथन जेठ २१ गते शनिबार हुने जानकारी गराए ।
कोभिड १९ को महामारीका कारण यसअघिको दुई वर्ष हाफ म्याराथन आयोजना गर्न नसकिएको र यसपटक देखि सोही प्रतियोगितालाई निरन्तरता दिन लागिएको पब्लिकेसनका सहायक महाप्रबन्धक महेश स्वाँरले जानकारी दिए ।
नेपाल एथलेटिक्स सघंको प्राविधिक सहयोगमा हुने हाफ म्याराथन (२१.१ किलोमिटर), ३ किमिको ह्विल चेयर दौड र ५ किमिको कर्पोरेट दौड हुनेछ । सबै विधामा गरी करिव ४ हजार धावकले भाग लिने आयोजकले दावी गरेको छ ।
हाफ म्याराथनतर्फ महिला र पुरुष दुवै स्पर्धाका विजेताले १ लाख रुपैयाँ प्राप्त गर्नेछन् । दोस्रो हुनेले समान ५० हजार र तेस्रो हुनेले समान ३० हजार प्राप्त गर्नेछन् । चौथो र पाँचौले २० हजार १० हजार प्राप्त गर्नेछन् ।
हाफ म्याराथन कान्तिपुर पब्लिकेसन थापाथलीबाट सुरु भई माइतीघर, बानेश्वर, तिनकुने, कोटेश्वर, जडीबुटी, लोकन्थली, गट्ठाघर, सानोठिमी हुँदै सल्लाघारी चोक पुगेर सोही रुट फिर्ता हुदै कान्तिपुर पब्लिकेसनमा आएर सकिने छ ।
ह्विल चेयरतर्फको महिला र पुरुष विजेताले समान ३० हजार, दोस्रो हुनेले समान २० हजार र तेस्रो हुनेले समान १० हजार प्राप्त गर्नेछन् । ह्विल चेयर दौड कान्तिपुर पब्लिकेसन थापाथलीबाट सुरु भई माइतीघर मण्डला घुमेर पुन कान्तिपुर पब्लिकेशन आएर सकिने छ ।
कर्पोरेटतर्फको विजेताले पोखरामा २ रात र ३ दिनको तथा घुम्ने प्याकेज पाउनेछ । दोस्रो हुनेले नगरकोटमा रातको प्याकेज र तेस्रोले माउन्टेन फ्लाइटको टिकट प्राप्त गर्नेछन् ।
कर्पोरेट दौड कान्तिपुर पब्लिकेसन थापाथलीबाट सुरु भई माइतीघर, बानेश्वर हुँदै सिभिल हस्पिटल पुगेर पुन त्यहिँ बाटो फर्केर कान्तिपुर पब्लिकेशन थापाथली आएर टुंगिने छ । खेलाडी दर्ता जेठ ११ बाट शुरु भइसकेको छ। खेलाडी दर्ता १७ जेठसम्म रहनेछ । हाफ म्याराथनको मुख्य प्रायोजकमा एनआइअी एसिया बैंक रहेको छ ।
नेपाल एथलेटिक्स संघको प्राविधिक सहयोग रहेको छ । दि ब्रिटिस कलेज, पाठशाला नेपाल फाउन्डेसन, सिटिजन लाईफ इन्स्योरेन्स, टर्किस एअरलाइन्स, केएफसी, पिजा हट, ह्याम्स अस्पताल, डिस होम फाइवर नेट र वेलडन एडभरटाइजिङ सह प्रायोजक रहेका छन् ।
कान्तिपुर हाफ म्याराथनका हालसम्मका सम्मका विजेताहरु
२०६७– अर्जुन कुमार बस्नेत / कान्छीमाया कोँजु
२०६८– हरि कुमार रिमाल / बृन्दा श्रेष्ठ
२०६९– कल्याण बाँनिया / कान्छीमाया कोँजु
२०७०– अनिष थापामगर / कान्छीमाया कोँजु
२०७१– हरि कुमार रिमाल / विश्वरुपा बुढा
२०७२– गोपीचन्द्र पार्की / रेशु बस्नेत
२०७३– हरि कुमार रिमाल / कान्छीमाया कोँजु
२०७४-७५ – हरि कुमार रिमाल / कान्छीमाया कोँजु
२०७५–७६ – अनिष थापामगर / विश्वरुपा बुढा
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]
April 10, 2024
धनगढी (हाम्रो खेलकुद) – धनगढी जेसिजले नयाँ बर्षको अवसरमा आयोजना गर्ने धनगढी हाफ म्याराथनको तयारी अन्तिम चरणमा पुगेको बताइएको छ । अब धनगढी दौडिन्छ भन्ने नाराका साथ आयोजना हुने धनगढी हाफ म्याराथनको दसौं संस्करणको तयारी अन्तिम चरणमा पुगेको बुधबार पत्रकार सम्मेलनमार्फत संयोजक आशिष शाहले जानकारी दिए । हाफ म्याराथन २०८१ वैशाख १ गते हुनेछ । […]
April 10, 2024
काठमाडौं (हाम्रो खेलकुद)- लन्डन म्याराथनमा भाग लिन धावक गोपीचन्द्र पार्की शुक्रबार त्यसतर्फ जाने भएको छन्। नेपालगञ्ज म्याराथनले बुधबार गोपीका लागि विदाई गरेको छ। राष्ट्रिय खेलकुद परिषद (राखेप) ला सदस्य सचिव टंकलाल घिसिङ, लि निङ आधिकारीक विक्रेता चाइना ट्रेड लिंक प्रालिका कार्यकारी अध्यक्ष राजन महर्जन, नेपालगञ्ज म्याराथनका अध्यक्ष टीएस ठकुरीले विदाई गरे। लन्डन म्याराथन वैशाख ९ […]