1 year ago
February 16, 2023
काठमाडौं (हाम्रो खेलकुद)– मिरा राई इनिसिएटिभसको आयोजनामा शनिबार पाँचौ स्तुपा टु स्टुपा ट्रेल रेस हुने भएको छ । स्पुता टु स्तुपा रेसमा महिला र पुरुष ५४ किलोमिटर र २१ किलोमिटर अलग अलग दौड समावेश गरिएको बिहीबार आयोजित पत्रकार सम्मेलनमा जानकारी दिइयो ।
रेस स्वयम्भुबाट सुरु भएर जामाचो, नागि गुम्बा, कपन हुँदै बौद्ध पुगेर टुंगिनेछ । नेपाली १ सय ६० सहित १६ राष्ट्रका झण्डै २ सय ५० जनाले रेसमा भाग लिने बताइएको छ । स्तुपा टु स्तुपा रेस धावकहरुलाई रेसले नयाँ अनुभुति दिने विश्वास लिएको भन्दै अल्ट्रा धावक मिरा राईले भनिन्, ‘ धावकहरूले काठमाण्डौं उपत्यकाको वरिपरि रहेको घनाजंगलको किनार हुँदै ऐतिहासिक तथा पुरातात्विक स्तुपाहरू रहेको अग्लो स्थानहरूको समिप हुँदै दौड पुरा गर्ने अवसर पाउनुहुनेछ ।’ स्तुपा टु स्तुपा रेसको पहिलो संस्करण सन् २०१५ भएको थियो ।
५४ किलोमिटर दौडका विजेताले ४० हजार, दोस्रो हुनेले ३० हजार, तेस्रो हुनेले २० हजार रुपैयाँ प्राप्त गर्नेछन् । २१ किलोमिटर दौडका विजेताले २५ हजार, दोस्रो हुनेले १५ हजार र तेस्रो हुने खेलाडीले १० हजार रुपैयाँ पाउनेछन् । दुवै विधाको चौथो हुनेले ५ र पाँचौं हुनेले ३ हजार रुपैयाँ पुरस्कार पाउनेछन् ।
मिराको नामा स्थापित मिरा राई इनिसियटिभको आयोजनामा हुने रेसलाई वल्र्ड लिंकले मुख्य प्रायोजन गरेको छ भने करुना हस्पिटल मेडिकल पार्टनर, अलफ्ट होटल हस्पिटालिटी पार्टनर, एनएमबी बैंक बैंकिङ पार्टनर र एनएफसी कन्सलटिङ पार्टनरका रुपमा रहेको छ ।
अन्य सहयोगीमा नेपाल पयर्टन बोर्ड, काठमाडौं महानगरपालिका, स्वयम्भु क्षेत्र विकास समिति, वन तथा भूसंरक्षण विभाग, शिवपुरी नार्गजुन नेसनल पार्क, एभरेष्ट म्याराथन, छायाँ सन्टर, स्न्याक अन, फ्रिडम सोसिएल फाउन्डेसन र ब्लू स्टार कार्गो रहेका छन् ।
त्यस्तै गोकणेश्वर नगरपालिका, बुढानिलकण्ठ नगरपालिका वडा नं १, श्री बुढानिलकण्ठ क्षेत्र विकास समिति, राष्ट्रिय खेलकुद परिषद्, उत्पला क्याफे, हिमालयन ट्रेल रनिङ, हार्ड रक क्याफे, टि टेन र एस एन्ड एस फिजियोथेरीकोे पनि स्तुपा टु स्तुपा रेसलाई सहयोग रहेको बताइएको छ ।
May 17, 2024
काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको नाम ओलम्पिकमा खेल्ने पक्का भएको जानकारी […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]
May 15, 2024
सुमन अधिकारी,बुटवल मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ । आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो । प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ […]