1 year ago
March 25, 2023
काठमाडौं (हाम्रो खेलकुद)– नेपाल पुलिस क्लबकी राजपुरा पछाई महिला र त्रिभुवन आर्मी क्लबका मुकेश पालले पुरुषतर्फ वीर गणेशमान सिंह १० के रोड रेसको उपाधि जितेका छन् । शनिबार भएको दौडमा राष्ट्रिय कीर्तिमानसहित राजपुराले उपाधि जितेकी हुन् । उनले ३६ मिनेट ४३.२ सेकेन्डको कीर्तिमानसहित पहिलो स्थान हासिल गरिन् । राजपुराले आफ्नै कीर्तिमान भंग गरेकी थिइन् । […]
काठमाडौं (हाम्रो खेलकुद)– नेपाल पुलिस क्लबकी राजपुरा पछाई महिला र त्रिभुवन आर्मी क्लबका मुकेश पालले पुरुषतर्फ वीर गणेशमान सिंह १० के रोड रेसको उपाधि जितेका छन् ।
शनिबार भएको दौडमा राष्ट्रिय कीर्तिमानसहित राजपुराले उपाधि जितेकी हुन् । उनले ३६ मिनेट ४३.२ सेकेन्डको कीर्तिमानसहित पहिलो स्थान हासिल गरिन् । राजपुराले आफ्नै कीर्तिमान भंग गरेकी थिइन् । यसअघि उनको नाममा ३७ मिनेट १०.५ सेकेन्डको कीर्तिमान थियो । त्यति बेला उनले सन्तोष श्रेष्ठको ३७ मिनेट ५३.५४ सेकेन्डको कीर्तिमान तोडेकी थिइन् ।
रोड रेसको चौथो संस्करणमा पुरुषमा तीब्र प्रतिस्पर्धाकाबीच मुकेशले पहिलो स्थान प्राप्त गरेका हुन् । उनले ३१ मिनेट २१.७६ सेकेन्डमा दौड पूरा गरेका थिए । अघिल्ला तीन संस्करणका विजेता एपिएफका गोपीचन्द्र पार्की दोस्रो भए । गोपीे ३१ मिनेट ३८.६८ सेकेन्डमा दौड पूरा गरेका थिए । गत महिना भएको एसियन क्रस कन्ट्रीका स्वर्ण पदक विजेता दीपक अधिकारी तेस्रो भए । दीपकले ३१ मिनेट ४७.४२ सेकेन्डमा दौड पूरा गरेका थिए ।
दरबारमार्गबाट सुरु भई सहरका विभिन्न भाग हुँदै पुनः दरबारमार्ग पुगेर दौड सम्पन्न भएको थियो । आर्मीका सन्जय श्रेष्ठ (३२ मिनेट १०.०२ सेकेन्ड) चौथो र केन्यका सिमोन किपागट टु (३२ मिनेट ३३.९९ सेकेन्ड) पाँचौं भएको थिए ।
पुलिसकै राममाया बुढा दोस्रो र एपिएफकी पुष्पा भण्डारी तेस्रो भइन् । रामामायो ३७ मिनेट ५४.१५ सेकेन्ड र पुष्पो ३८ मिनेट २६.०३ सेकेन्डमा दौड पूरा गरेकी थिइन् । आर्मीकी पूर्णलक्ष्मी न्यौपाने (३९ मिनेट ०२.३५ सेकेन्ड) चौथो र एपिएफकी विन्द्रा धन्के श्रेष्ठ (३९ मिनेट २५.०६ सेकेन्ड) पाँचौं भइन् ।
राजपुरा र राममाया दुवै एसियन क्रस कन्ट्रीका पदक विजेता खेलाडी हुन् । फागुन २३ गते गोकर्ण गल्फ रिसोर्टमा भएको एसियन क्रस कन्ट्रीमा राजपुराले सिनियर र राममायो जुनियरतर्फ रजत पदक जितेकी थिइन् ।
महिलामा आर्मीकी गीता विक, पुलिसकी सुमित्रा चौधरी, आर्मीकी रेखा लिम्बु, स्वयम्भु एथलेटिक्स क्लबकी सोनु घतानी र अरुणा अधिकारी क्रमशः तेस्रो देखि १०औं भइन् ।पुरुषतर्फ आर्मीका राजन रोकाय, आर्मीका सुशिल कुमार शाही, एपिएफका राजेन्द्र तामाङ, आर्मीका खगेन्द्र भाट तथा प्रताप थाम्सुङ क्रमश चौथोदेखि १०औं भए ।
गणेशमान सिंह फान्डेसन अन्तर्गतको गणेशमान सिंह खेलकुद समितिले आयोजना गरेको रोड रेसका दुवैतर्फका विजेताले ६० हजार, दोस्रोे ३० र तेस्रो हुने खेलाडीले १५ हजार रुपैयाँ प्राप्त गरे । चौथोे हुनेले १० र पाँचौं हुने खेलाडीे ५ हजार रुपैयाँ पाए । राष्ट्रिय कीर्तिमान बनाएकी राजपुराले थप १० हजार रुपैयाँ प्राप्त गरेकी थिइन् । रेसमा झण्डै ४ सय खेलाडीले नाम दर्ता गराएको आयोजकले जनाएको छ ।
गणेशमान सिंहका छोरा तथा पूर्व उपप्रधानमन्त्री प्रकाशमान सिंह, नेपाल ओलम्पिक कमिटीका अध्यक्ष जीवनराम श्रेष्ठ, गणेशमान खेलकुद समितिका संयोजक सन्जीव तुलाधार, नेपाल एथलेटिक्स संघका अध्यक्ष राजीव विक्रम शाहलगायतले विजेता खेलाडीलाई पुरस्कृत गरे ।
April 22, 2024
सुमन अधिकारी,बुटवल बुटवलमा जेठको पहिलो साता खुल्ला पुरुष हाफ म्याराथन तथा विद्यालय तथा कलेजस्तरिय रोड रेस प्रतियोगिता आयोजना हुने भएको छ । मदन भण्डारी स्पोर्ट्स एकेडेमीको आयोजनामा मदन भण्डारीको ३१ औं स्मृति दिवसका अवसरमा जेठ ३ गते हुन लागेको सोमबार बुटवलमा पत्रकार सम्मेलनमा मार्फत जानकारी गराइएको छ। एकेडेमीले गत बर्ष गौतमबुद्धको जन्मस्थल लुम्बिनीमा खेलकुद दिवसको […]
April 21, 2024
काठमाडौं (हाम्रो खेलकुद) – नेपाली धावक गोपी चन्द्र पार्कीले आइतबार लण्डन म्याराथन २ घन्टा २२ मिनेट ३१ सेकेन्डमा पूरा गरेका थिए । गत वर्ष मंसिर ९ गते नवौं धारा नेपालगन्ज म्याराथनको उपाधि जित्दै गोपीले लण्डन म्याराथनको यात्रा तय गरेका थिए । नेपालगन्ज म्याराथनले नेपाल रन युकेको सहकार्यमा गोपीको लण्डन सहभागिता निश्चत गरेको हो । १३ […]
April 20, 2024
काठमाडौं (हाम्रो खेलकुद)- काठमाडौं पिंक केयरएथन महिला दौडको १० किलोमिटरमा आस्था राउत, ५ किमीमा कल्पना घिमिरे र ३ किमीमा तिर्सना कुमारी विजयी भएकी छिन्। महिलाहरुको स्वास्थ्य एवं तन्दुरुस्तीमा सचेतना जगाउने उद्देश्यले लेजर पोर्ट नेपालले नेपाल प्रहरी श्रीमती संघसँगको सहकार्यमा शनिबार काठमाडौंमा पिंक केयरएथन आयोजना गरेको हो । १० किमीमा मनिता घतामी दोस्रो र संगिता तामाङ्ग […]