default_image

8 months ago

October 5, 2023

५० वर्षअघि अन्तर्राष्ट्रिय पदक जितेका केसीलाई सेनाको सम्मान

723 views

0 Bookmark

काठमाडौं (हाम्रो खेलकुद) – नेपाली सेनाले नेपालका लागि पहिलो अन्तर्राष्ट्रिय पदक जितेको ५० वर्ष पूरा भएको अवसरमा जीतबहादुर केसीलाई सम्मान गरेको छ ।

प्रधान सेनापति ट्रफीको उद्घाटनका अवसरमा जङ्गी अड्डा भद्रकालीमा प्रधान सेनापति प्रभुराम शर्माले केसीलाई दोसल्ला, ताम्रपत्र सहित २५ हजार रुपैयाँले सम्मान गरेका थिए । केसीले २०३० सालमा फिलिपिन्सको मनिलामा आयोजना भएको एसियन ट्रयाक एन्ड फिल्डको म्याराथन (४२.१९५) मा कास्य पदक जितेका थिए ।

त्यो नेपालले अन्तर्राष्ट्रिय प्रतियोगितामा जितेको पहिलो पदक थियो । पदक जित्दाका समयमा केसी सेनाको बद्र्धबहादुर गणमा जमदार थिए । ओलम्पियन समेत रहेका केसीले एसियाली खेलकुद (एसियाड) मा पनि देशको प्रतिनिधित्व गरेका थिए ।

देश र सेनाको सम्मान राष्ट्रिय तथा अन्तर्राष्ट्रिय बढाउन योगदान गरेकोले यो अवसरमा केसीलाई सम्मान गर्न उपयुक्त हुने सल्लाह ओलम्पियन तथा सेनाकै पूर्व क्याप्टेन राजेन्द्र भण्डारीले सल्लाह दिएको प्रधान सेनापति शर्माले समारोहमा बताएका थिए । भण्डारी दक्षिण एसियाली खेलकुद (साग) का स्वर्ण पदक विजेता पनि हुन् ।

प्रधान सेनापति कपको पहिलो दिन बिहीबार महिला ८ सय मिटर दौड र पुरुषतर्फ को ४ गुणा ४ सय मिटर रिले दौड सम्पन्न भएको छ ।

महिला ८ सय मिटरमा श्री नं. १६ बाहिनी अड्डाकी गनर भगवती थापा विजयी भइन् । उनले २ मिनेट २९.५४ सेकेन्डमा दौड पूरा गरेकी थिइन् । सोही बाहिनीकी गनर राधिका श्रेष्ठ (२ मिनेट ३०.८५ सेकेन्ड ) दोस्रो र श्री मध्य पश्चिम पृतना हेड क्वार्टरकी प्युठ सोमिता पहरी (२ मिनेट ३४.३९ सेकेन्ड ) तेस्रो भइन् ।

४ गुणा ४ सय मिटर रिले दौड श्री उपत्यका पृतना हेड क्वार्टर प्रथम भयो । टोलीले (३ मिनेट २७.९५ सेकेन्डमा दौड पूरा गरेको थियो । त्यसमा श्री पूर्वी पृतना हेड क्वार्टर (३ मिनेट २८.६४) सेककेन्ड दोस्रो र श्री मध्य पूर्वी पृतना हेड क्वार्टर (३ मिनेट २८.८२ सेकेन्ड ) तेस्रो भयो । विजेता खेलाडीलाई प्रधान सेनापति शर्माले पुरस्कृत गरे ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 16, 2024

राजनलाई हाफ म्याराथनको उपाधि

सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]

Success

Thank you for your time.