काठमाडौं, असोज ५ गते ।
वर्षेनि मे महिनामा आयोजना हुँदै आइरहेको एभरेष्ट म्यैराथुन विभिन्न कारणले गर्दा अक्टोबर महिनामा हुने भएको छ । आज आयोजित पत्रकार सम्मेलनमा आयोजकले म्याराथन हुने मिति र विधाहरु सहित पुरस्कार राशी पनि घोषणा गरेको छ| चार विधामा ओपन म्याराथन, विदेशी ओपन म्याराथन, महिला म्याराथन र हाफ म्याराथन रहेका छन्|
Everestmarathon.com
ओपन म्याराथनको विजेताले रु एक लाख पाउनेछन् भने दोश्रो र तेश्रो हुनेलाई क्रमश: ७५हजार र ५० हजार प्रदान गरिनेछ| महिलातर्फ भने पुरस्कार राशी प्रथमलाई ५० हजार, द्वितीयलाई ३५ हजार र तृतीयलाई २५ हजार रहेको छ| म्याराथनका साथसाथै आयोजकले एभरेष्ट सरसफाई गर्ने र हेल्थ क्याम्प चलाउने कुराको पनि जानकारी दियो|
वैशाख १२ गते गएको भुकम्प र त्यसपछि आएका पराकम्पनहरुले गर्दा यो पालीको म्याराथन पछि सरेको हो| आयोजकले यस प्रतियोगिताले नेपालमा पर्यटन व्य्वसाय पुन: स्फुर्त रुपमा सञ्चालन गर्न सहयोग पुग्ने विश्वास लिएको जानकारी दिइयो ।
