काठमाडौं (हाम्रो खेलकुद)– एनआरएस स्पोर्टस फाउन्डेसनको आयोजनामा दोस्रो योर पेस किप फिट सक्र्रिट यसै साताबाट सुरु हुने भएको छ ।

एनआरएस फाउन्डेसनका अध्यक्ष निलेन्द्रराज श्रेष्ठले स्वस्थ रहनका लागि दौड आवश्यक रहेको निष्कर्ष निकाल्दै नयाँ पुस्तालाई प्रेरित गर्न प्रशिक्षण सुरु गरिएको बताइएको छ । बिहीबारबाट सुरु हुने प्रशिक्षण जेठ १४ गते सम्म सन्चालन हुने मंगलबार पत्रकार सम्मेलनमा जानकारी गराइयो ।

एथलेटिक्स प्रशिक्षकको अगुवाईमा काठमाडौंको दशरथ रंगशाला, स्वयम्भु, कीर्तिपुर, ललितपुर, भक्तपुर, रुपन्देहीको बुटवल, मकवानपुरको हेटौंडा र कास्कीको पोखरामा गरि ८ ठाँउमा दौड प्रशिक्षण हुनेछ ।

पत्रकार सम्मेलन पछि प्रशिक्षकका लागि वर्कशपको आयोजना गरिएको थियो । त्यसमा दिवाकर लाल अमात्यले विज्ञान प्रशिक्षणको महत्व, शुलोचना सिजाख्वाले खेलकुद मनोविज्ञान, राजेन्द« तुलाधरले फिटनेस, डा.सुदिन महरजनले फिजियोथेरापी र न्युटिस«नको बारेमा जानकारी गराएका थिए ।

यस वर्षपनि इनड्राइभको सहकार्यमा यस प्रशिक्षण सन्चालन हुने बताइएको छ । प्रशिक्षण कार्यक्रमका लागि ४० लाख रुपैयाँ खर्च हुने अनुमान गरिएको छ ।

काठमाडौंमा विमला रानामगर, स्वयम्भुमा रमेश सुनुवार, ललितपुरमा राजमान महर्जन, भक्तपुरमा आशा राम गोथे, कीर्तिपुरमा धर्म महर्जन, हेटौडामा राजा राम पोख्रेल, बुटवलमा रामु पाण्डे पोखारामा सिद्घान्त अधिकारीले प्रशिक्षण कार्यक्रम सन्चालन गरिएको थियो ।