काठमाडौं(हाम्रो खेलकुद) – त्रिभुवन आर्मी क्लबका खडक बहादुर खड्काले प्रधान सेनापति कप म्याराथनको उपाधि जितेका छन् ।

खडकले शनिवार भएको म्याराथनको दूरी २ घण्टा १७ मिनेट २० सेकेन्डमा पूरा गरि विजयी भएका थिए । खडकले यमाहको १ थान मोटरसाइकलको साथ ३ लाख रुपैयाँ प्राप्त गरे ।

आर्मी कै राजन रोकाय (२ घन्टा २० मिनेट २२ सेकेन्ड) दोस्रो भए र उनले २ लाख रुपैयाँ प्राप्त गरेका थिए । एपिएफका गोपिचन्द्र पार्की (२ घन्टा २२ मिनेट ३४ सेकेन्ड) तेस्रो भए र उनले १ लाख रुपैयाँ प्राप्त गरेका थिए।

हाफ म्याराथनको उपाधि महिलातर्फ ओलम्पियन सन्तोषी श्रेष्ठ र पुरुषतर्फ मुकेश बहादुर पालले जितेका थिए।

सन्तोषीले १ घण्टा १७ मिनेट ४ सेकेण्डमा तोकिएको दौड पूरा गरेकी थिइन् । १ घण्टा १९ मिनेट २६ सेकेण्डमा पूरा गरि आर्मी पूर्णलक्ष्मी न्यौपाने दोस्रो भएकी थिइन् । १ घन्टा १९ मिनेट ५१ सेकेन्डका साथ निर्मला केसीले तेस्रो भएकी थिइन्।

मुकेशले निर्धारित दुरी १ घण्टा ४ मिनेट ४१ सेकेण्डमा पूरा गरेका थिए । त्यो स्पर्धामा गजेन्द्र राई ( १ घन्टा ५ मिनेट १२ सकेन्ड) दोस्रो र नरेन्द्र रावल (१ घन्टा ५ मिनेट ४० सेकेन्ड) तेस्रो भएका थिए।

सन्तोषीले स्कुटर, मुकेशले यमाहको १ थान मोटरसाइकल तथा समान ७५ हजार नगद प्राप्त गरे । दुवैतर्फ दोस्रो ५० र तेस्रोले ३५ हजार रुपैयाँ प्राप्त गरेका थिए।