9 months ago
March 15, 2025
काठमाडौं (हाम्रो खेलकुद)- अर्जुन कुलुङ राईले मञ्जुश्री ट्रेल रेस (एमटिआर) को पाँचौं संस्करण जितेका छन् ।
मञ्जुश्री ट्रलको प्रमुख इभेन्ट एक सय माइल्स दौड अर्जुनले २६ घन्टा २९ मिनेट २५ सकेन्ड समयमा पूरा गर्दै उपाधि जिते ।
नेपालकै मिलन कुलुङ राईले २८ घन्टा १५ मिनेट २५.३ सकेन्ड समय खर्चेर दोस्रो भए । शेर थारु ( २८ मिनेटमा ४७ मिनेट ०६.२ सकेन्डसहित तेस्रो भए । विजेता अर्जुनले ७५ हजार, मिलनले ४० हजार र शेरले २० हजार रुपैयाँ पुरस्कार पाए ।
एक सय किमी दौडमा विशाल राई १३ घन्टा २९ मिनेट ४ सकेन्ड समय लगार च्याम्पियन बने । गोपाल तामाङले १३ घन्टा ३९ मिनेट ७ सकेन्ड समयका साथ दोस्रो र निरोज भट्टले १४ घन्टा १२ मिनेट ३५ सकेन्डमा दौड पूरा गर्दै तेस्रो भए ।
एक सय किमी दौड महिलातर्फ नेपालकी रसिला तामाङ पहिलो भए । रसिलाले १७ घन्टस ५८ मिनेट ०५ सकेन्डमा दौड सकाइन् ।
छोकी शेर्पा १८ घन्टा १५ मिनेटमा ०५ सकेन्ड समय लगातार दोस्रो भइन् । फ्लेर मोउतज्वले २० घन्टा ४३ मिनेट ०५ सकेन्ड समय लगाएर तेस्रो भइन्। त्यसको विजेता ५० हजार, दोस्रो २५ हजार र तेस्रोले १५ हजार रुपैयाँ प्राप्त गरे।
५० किमी पुरुष दौडमा मानकुमार रोक्का मगर ( ६ घन्टा ४२ मिनेट २५ सकेन्ड) पहिलोे, लोकेन्द्र राई (६ घन्टा ४६ मिनेट ३८ सकेन्ड) दोस्रो र धीरबहादुर बुढा (६ घन्टा ५९ मिनेट ५९ सकेन्ड) तेस्रो भए ।
५० किमी महिला दौडमा प्रिया राई पहिलो, कल्पना बुढा दोस्रो र राज्य लक्ष्मी रावल तेस्रो भए । प्रियाले निर्धारित दुरी ७ घन्टा ४६ मिनेट ०५ सकेन्डमा पूरा गरिन् ।
कल्पनाले ०८ घन्टा १६ मिनेट ६ सकेन्ड र राज्यलक्ष्मीले ८ घन्टा ४० मिनेट ५२ सकेन्डमा दौड पूरा गरिन् । विजेताले ३० हजार, दोस्रोले १५ हजार र तेस्रोले १० हजार रुपैयाँ पुरस्कार प्राप्त गरे ।
३० किमी दौडमा राजन मेयोङबा ३ घन्टा ४३ मिनेट ०३ सकेन्ड समय लगातार विजेता बने । युवक राज बुढा (४ घन्टा ०३ मिनेट २२ सकेन्ड) दोस्रो र अक्कल बढवाल (४ घन्टा ३७ मिनेट ०१ सकेन्ड) तेस्रो भए ।
३० किमी महिलातर्फ अस्मी तामाङ ६ मिनेट ३४ मिनेटमा ०३ सकेन्ड समयमा दौड पूरा गरी च्याम्पियन बनिन् । कथेरिना हल दोस्रो र रिन्छे दोला लामा तेस्रो भए ।
कथेरिनाले निर्धारीत दुरी ८ घन्टा २४ मिनेट ०६ सकेन्ड र रिन्छेले ८ घन्टा ५३ मिनेट समय लगाइन् ।विजेता २०, दोस्रो १० र तेस्रो ५ हजार रुपैयाँ प्राप्त गरे।
१० किमी पुरुषतर्फ नेपालका सुमन नापित र महिलातर्फ अमेरिकाकी बोराह लिम विजेता बने । सुमनले ५२ मिनेट ४२ सकेन्डमा निधारित दूरी पूरा गरे । उदयबहादुर श्रेष्ठ ५३ मिनेट ३० सकेन्डसहित दोस्रो र हरि तामाङ ५५ मिनेट ०२ सकेन्ड सहित तेस्रो भए ।
अमेरिकी लिमले १० किमी महिला इभेन्ट जित्न ५२ मिनेट ४० सकेन्डमा दौड पूरा गरिन् । बेल्जियमकी जारा भान रेन्टरगे (१ घन्टा १६ मिनेट १ सकेन्ड) दोस्रो र जर्मनीकी सामन्था नोउभेल (१ घन्टा १८ मिनेट ४० सकेन्ड) तेस्रो भए ।
नेपाल ओलम्पिक कमिटीका निरज श्रेष्ठले विजेता धावक धाविकालाई पुरस्कृत गरे । मञ्जुश्री ट्रेल रेसमा एक सय माइल्समा ८१ जना, एक सय किमीमा ५२ जना , ५० किमीमा १ सय ३१ जना, ३० किमीमा ९८ जना र १० किमीमा १ सय ९१ धावकधाविकाको सहभागिता जनाएका थिए ।
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
December 8, 2025
काठमाडौं (हाम्रो खेलकुद)- सन्तोषी श्रेष्ठले आइतवार भ्यालेन्सिया म्याराथन २०२५ मा महिला म्याराथनमा नयाँ राष्ट्रिय कीर्तिमान बनाएकी छिन्। ४२.१९५ किलोमिटर म्याराथन सन्तोषीले २ घन्टा ४० मिनेट २३ सेकेन्डमा पूरा गर्दै कीर्तिमान बनाएकी हुन् । उनले लण्डन म्याराथन राखेको २ घन्टा ४२ मिनेट ५० सेकेन्डको आफ्नै कीर्तिमान तोडेकी हुन्। लण्डन म्याराथनमा सन्तोषीले आफ्नो डेब्यु बंगलादेशको बंगबन्धु म्याराथन […]
