काठमाडौं (हाम्रो खेलकुद)- त्रिभुवन आर्मी क्लबका सुशील कुमार शाही र सोही क्लबकी निशा सार्कीले वान रन अन्तराष्ट्रिय हाफ म्याराथनको उपाधि जितेका छन्।

आज भएको दौडमा १ घण्टा ०५ मिनेट ५८ सेकेन्ड समयका साथ सुशीलले उपाधि जितेका हुन्।
आर्मीकै विनोद रोकायालाई १ घण्टा ०६ मिनेट ११ सेकेन्डका साथ दोस्रो भए। नरेन्द्र सिंह रावत तेस्रो भए‌। उनले १ घण्टा ०८ मिनेट ०६ सेकेन्डमा दौड पूरा गरे।

महिलातर्फ निशाले १ घन्टा २८ मिनेट ४७ सेकेन्ड समयका उपाधि जितिन्। आर्मीकी विश्वरुपा बुढाले १ घन्टा ३० मिनेट ५२ को सेकेन्डमा निर्धारित दूरी तय गर्दै दोस्रो स्थान प्राप्त गरिन्। गीता महर्जन तेस्रो भइन्।

दुवैका विजेता ५० हजार, दोस्रोले २५ हजार र तेस्रोले १५ हजार रुपैयाँ प्राप्त गरे।

सन्तोषी र सञ्जयको जित

१० किमी दौडमा बागमतीकी सन्तोषी श्रेष्ठ र आर्मीका सञ्जय श्रेष्ठ विजयी भएका छन्।

पुरुषतर्फ आर्मीको वर्चस्व रहयो। सञ्जय ३२ मिनेट १२.२२ सेकेन्डका साथ पहिलो भए । आर्मीकै रामजी बस्नेत दोस्रो र अर्जुन बुढा तेस्रो भए।

१३ औं दक्षिण एसियाली खेलकुद (साग) मा १० किमीमै स्वर्ण पदक जितेकी सन्तोषी आज ३७ मिनेट ५२.४ सेकेन्डमा दौड पूरा गरिन्। आर्मीका पूर्ण लक्ष्मी न्यौपाने दोस्रो र सृजना पाण्डे तेस्रो भइन् ।‌

दुवैतर्फको विजेता २० हजार, दोस्रोले १० हजार र तेस्रोले ७ हजार रुपैयाँ हात पारे।

दौड पाटन दरबार स्क्वायरबाट सुरु भएर मंगलबजार हुदै पुलचोक, जावालाखेल, एकान्तकुना, सातदोबाटो , बल्खु, कलंकी, सितापाइला हुदै फेरी कृष्ण मन्दिरमै गएर अन्त्य भएको थियो । हाफ म्याराथन हिरो वान रन मे २४ मा विश्वका १ सय १० देशमा आयोजना हुँदै आएको बताइएको छ ।

नेपालमा एन.आर.एस स्पोटर्स फाउन्डेसनले यो दौड सञ्चालन गरेको हो।  नेपालमा यो हाफ म्याराथन दोस्रो पटक आयोजना भएको हो।