8 years ago
December 5, 2015
एपीएफ क्लबका यामसाजन सुनारले भारतमा हुने आसन्न १२ औं दक्षिण एसियाली खेलकुद (साग) का लागि खेलाडी छनोट गर्न आयोजित एथलेटिक्स खेलाडी छनोट प्रतियोगिताको पुरुष २ सय मिटर दौडमा तिलकराम थारुको कीर्तिमान शनिबार बराबर गरेका छन् । निर्धारित दूरी २१.५ सेकेन्डमा पूरा गर्दै यामसाजनले २०१३ को फब्रुअरीमा काठमाडौंमा भएको गोल्डेन स्प्रिन्ट मिटमा तिलकरामले बनाएको सोही समयको […]
एपीएफ क्लबका यामसाजन सुनारले भारतमा हुने आसन्न १२ औं दक्षिण एसियाली खेलकुद (साग) का लागि खेलाडी छनोट गर्न आयोजित एथलेटिक्स खेलाडी छनोट प्रतियोगिताको पुरुष २ सय मिटर दौडमा तिलकराम थारुको कीर्तिमान शनिबार बराबर गरेका छन् ।
निर्धारित दूरी २१.५ सेकेन्डमा पूरा गर्दै यामसाजनले २०१३ को फब्रुअरीमा काठमाडौंमा भएको गोल्डेन स्प्रिन्ट मिटमा तिलकरामले बनाएको सोही समयको कीर्तिमान बराबर गरेको एथलेटिक्स मुख्य प्रशिक्षक सुशीलनरसिंह राणाले जनाएका छन् । आर्मीका हिमाल केसी दोश्रो र आनन्ददेव चौधरी तेश्रो भए । सो स्पर्धाको महिलामा नेपाल प्रहरीकी मानमति विष्ट पहिलो भइन् । मानमतिले २५.९ सेकेन्ड समय खर्चिन् । एपीएफकी दिलमाया कार्की दोश्रो र आर्मीकी कृष्णा चौधरी तेश्रो बने ।
पुरुषको १ हजार ५ समय मिटर दौडमा आर्मीका चन्द्रबहादुर दाहालले निर्धारित दूरी ४ मिनेटमा सकाउदै शीर्ष स्थान कब्जा गरे । प्रहरीका करण खड्का दोश्रो र लक्ष्मण थापा तेश्रो स्थानमा रहे । उक्त स्पर्धाको महिलामा आर्मीकी सरस्वती भट्टराई ४ मिनेट ४४.९ सेकेन्ड समयसाथ पहिलो भइन् । आर्मीकी सानुमाया कार्की दोश्रो र काठमाडौंकी सन्तोषी श्रेष्ठ तेश्रो भए ।
पुरुष डिस्कस थ्रोमा आर्मीका राजेन्द्र बस्नेत पहिलो भए । उनले ३३.४५ मिटर टाढा फाले । प्रहरीका पुस्कल खड्का दोश्रो तथा आर्मीका कृष्णबहादुर बस्नेत तेश्रो भए । त्यस स्पर्धाको महिलामा आर्मीकी अमृता चौधरी पहिलो भइन् । अमृताले ३६.४७ मिटरको प्रदर्शन गरिन् । प्रहरीका हिरण चौधरी दोश्रो र जितकुमारी महतो तेश्रो भए ।
पुरुष ट्रिपलजम्पमा प्रहरीका चन्द्रदेव जोशी शीर्ष स्थानमा रहे । उनले १४.०१ मिटर हामफाले । लङजम्पमा अघिल्लो दिन शुक्रबार कीर्तिमान बनाउदै चर्चामा आएका धनुषाका पुष्पेन्द्रकुमार गोइत (१३.६० मिटर) ले दोश्रो स्थानमा चित्त बुझाए भने आर्मीका भविन्द्र गिरी तेश्रो भए । सो स्पर्धाको महिलामा कीर्तिमानधारी प्रहरीकी केशरी चौधरी पहिलो भइन् । केशरीले १२.१९ मिटर छलाङ्ग लगाइन् । एपीएफकी शिला चौधरी दोश्रो र आर्मीकी वर्षा भट्टराई तेश्रो भए ।
पुरुष १० हजार मिटर दौडमा आर्मीका हरिकुमार रिमाल पहिलो भए । निर्धारित दूरी तय गर्न हरिलाई ३१ मिनेट ३९.९ सेकेन्ड समय लाग्यो । एपीएफका गोपीचन्द पार्की दोश्रो तथा आर्मीका लालबहादुर थापा तेश्रो भए । सोको महिलामा आर्मीकी विश्वरुपा बुढा पहिलो भइन् । विश्वरुपाले ३८.३६ सेकेन्ड समय खर्चिन् । आर्मीकै रेसु बस्नेत दोश्रो भइन् ।
पुरुष १ सय १० मिटर हर्डल्स (बाधा दौड) मा आर्मीका विशेष महतो पहिलो भए । उनले १६.२ सेकेन्डको समय निकाले । महिला १ सय मिटर हर्डल्समा एक्ली प्रतिस्पर्धी भएकाले एपीएफकी सविता चौधरी पहिलो भइन् । सविताले १७.५ सेकेन्ड समय लगाइन् ।
मुख्य प्रशिक्षक राणाले जनाए अनुसार सागका लागि समान ११–११ पुरुष/महिला गरी २२ खेलाडी छनोट गरिने छ । २/३ दिनपछि प्राविधिक समितिले छनोट भएका खेलाडीको नाम सार्वजनिक गर्ने राणाले जानकारी गराए ।
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]
April 10, 2024
धनगढी (हाम्रो खेलकुद) – धनगढी जेसिजले नयाँ बर्षको अवसरमा आयोजना गर्ने धनगढी हाफ म्याराथनको तयारी अन्तिम चरणमा पुगेको बताइएको छ । अब धनगढी दौडिन्छ भन्ने नाराका साथ आयोजना हुने धनगढी हाफ म्याराथनको दसौं संस्करणको तयारी अन्तिम चरणमा पुगेको बुधबार पत्रकार सम्मेलनमार्फत संयोजक आशिष शाहले जानकारी दिए । हाफ म्याराथन २०८१ वैशाख १ गते हुनेछ । […]
April 10, 2024
काठमाडौं (हाम्रो खेलकुद)- लन्डन म्याराथनमा भाग लिन धावक गोपीचन्द्र पार्की शुक्रबार त्यसतर्फ जाने भएको छन्। नेपालगञ्ज म्याराथनले बुधबार गोपीका लागि विदाई गरेको छ। राष्ट्रिय खेलकुद परिषद (राखेप) ला सदस्य सचिव टंकलाल घिसिङ, लि निङ आधिकारीक विक्रेता चाइना ट्रेड लिंक प्रालिका कार्यकारी अध्यक्ष राजन महर्जन, नेपालगञ्ज म्याराथनका अध्यक्ष टीएस ठकुरीले विदाई गरे। लन्डन म्याराथन वैशाख ९ […]