8 years ago
December 9, 2015
भारतमा हुने १२ औं दक्षिण एसियाली खेलकुद (साग) का लागि सुटिङ खेलाडी छनोट प्रतियोगिताको दोश्रो दिन बुधबार रुपन्देहीकी स्नेहराज्यलक्ष्मी राणाले महिला १० मिटर एयर राइफलमा ३ सय ८९ अंक जोडेकी छन् । ३ सय ८९ अंक स्नेहको आफ्नै नाममा रहेको राष्ट्रिय कीर्तिमानको बराबरी प्रदर्शन हो ।
नेपाल प्रहरीका फूलमाया क्याप्छाकी र अस्मिता राईले समान ३ सय ८५ अंक जोडे । ‘सिरिज सट’ का आधारमा फूलमाया अगाडि छिन् ।
नेपाल सुटिङ संघद्वारा आयोजित प्रतियोगताको पुरुष १० मिटर एयर राइफलमा दाङका पवन घिमिरेले ५ सय ६९, बाँकेका सन्जोगकृष्ण श्रेष्ठले ५ सय ४१ तथा रुपन्देहीका रामु पौडेलले ५ सय ३९ अंक जोडे ।
महिलाको १० मिटर एयर पेस्तोलमा प्रहरीकी सविता बस्नेतले ३ सय ६३, प्रहरीकै सीमा तुलाधरले ३ सय ६० तथा ललितपुरकी रुविना श्रेष्ठले ३ सय ५५ अंक जोडे । सो स्पर्धाको पुरुषमा नेपाल आर्मीका रामलाल गुरुङले ५ सय ३५ र यमबहादुर गुरुङले ५ सय १७ तथा काठमाडौंका प्रकाश राईले ५ सय १२ अंक जोडे ।
पुरुषमा ६ सय तथा महिलामा ४ सय पूर्णाङ्कमा प्रतिस्पर्धा भइरहेको छ । अन्तिम दिन बिहीबारको प्रतिस्पर्धा सकिएसंगै सागमा सहभागी हुने समान ६–६ पुरुष÷महिला खेलाडीको टुंगो लाग्नेछ ।
May 6, 2024
सुर्खेत (हाम्रो खेलकुद) – यसै साता आयोजना हुने ज्ञान प्रथम कर्णाली हाफ म्याराथनमा खुल्लातर्फ महिला तथा पुरुष विजेता खेलाडीले समान ५५ हजार रुपैयाँले प्राप्त गर्ने भएका छन् । शनिबार आयोजना हुने हाफ म्याराथनका विजेताको पुरस्कार घोषणा गर्ने क्रममा आयोजक रेस नेपालले दोस्रोले ३० हजार र तेस्राले २० हजार रुपैयाँ पाउने घोषणा गरेको छ । कर्णाली […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]
April 30, 2024
काठमाडौं (हाम्रो खेलकुद)– एनआरएस स्पोर्टस फाउन्डेसनको आयोजनामा दोस्रो योर पेस किप फिट सक्र्रिट यसै साताबाट सुरु हुने भएको छ । एनआरएस फाउन्डेसनका अध्यक्ष निलेन्द्रराज श्रेष्ठले स्वस्थ रहनका लागि दौड आवश्यक रहेको निष्कर्ष निकाल्दै नयाँ पुस्तालाई प्रेरित गर्न प्रशिक्षण सुरु गरिएको बताइएको छ । बिहीबारबाट सुरु हुने प्रशिक्षण जेठ १४ गते सम्म सन्चालन हुने मंगलबार पत्रकार […]