8 years ago
December 12, 2015
हरिकुमार रिमाल र विश्वरुपा बुढा तेश्रो खुला रोड रेसमा शनिबार पहिलो भएका छन् । नेपाल आर्मीका दुवै गत संस्करणको पनि विजेता हुन् । हरिले निर्धारित दूरी १५ मिनेट ५६ सेकेन्डमा पूरा गरे । छत्रबहादुर दाहाल दोश्रो र कल्याण बानियाा तेश्रो भए । दुवै आर्मीका हुन् । प्यारागन पब्लिक स्कुलद्वारा आयोजित प्रतियोगितामा विश्वरुपाले निर्धारित दूरी तय […]
हरिकुमार रिमाल र विश्वरुपा बुढा तेश्रो खुला रोड रेसमा शनिबार पहिलो भएका छन् । नेपाल आर्मीका दुवै गत संस्करणको पनि विजेता हुन् ।
हरिले निर्धारित दूरी १५ मिनेट ५६ सेकेन्डमा पूरा गरे । छत्रबहादुर दाहाल दोश्रो र कल्याण बानियाा तेश्रो भए । दुवै आर्मीका हुन् ।
प्यारागन पब्लिक स्कुलद्वारा आयोजित प्रतियोगितामा विश्वरुपाले निर्धारित दूरी तय गर्न १८ मिनेट १७ सेकेन्ड समय लगाइन् । आर्मीकै सरस्वती भट्टराई दोश्रो र काठमाडौंकी सन्तोषी श्रेष्ठ तेश्रो स्थानमा रहे ।
दुवै समूहमा पहिलो हुनेले २५ हजार, दोश्रोले १५ हजार र तेश्रोले १० हजारका दरले नगद पुरस्कार प्राप्त गरे ।
विद्यालयतर्फ छात्रमा एपीएफ स्कुलका अजितकुमार यादव पहिलो भए । उनले निर्धारित दूरी १७ मिनेट ५१ सेकेन्डमा पूरा गर्दै उपाधि रक्षा गरे । नवोदयका विवेक चेपाङ दोश्रो र सीतापाइला उमाविका खडक बुढा मगर तेश्रो भए । सोही स्पर्धाको छात्रामा सीतापाइलाकी हुमी बुढा मगर पहिलो भइन् । हुमीले २० मिनेट ४९ सेकेन्ड समय खर्चिन् । ग्लेडस्टोनकी सर्मिला क्षेत्री दोश्रो र विजेश्वरी स्कुलकी सुमिता श्रेष्ठ तेश्रो बने । शीर्ष तीन स्थानमा हात पार्नेले क्रमश: १० हजार, ५ हजार र ३ हजार नगद पुरस्कार थापे ।
प्यारागनमा अध्ययनरत विद्यार्थीका अभिभावक र प्यारागनका शिक्षक सम्मिलित दौडको पुरुषमा मेघा पहारी पहिलो भए । उनले १९ मिनेट ४१ सेकेन्ड समय लगाए । पारस ढकाल दोश्रो र सन्तोष बस्नेत तेश्रो स्थानमा रहे । उक्त स्पर्धाको महिलामा ११ औं दक्षिण एसियाली खेलकुद (साग) की रजतधारी अनु अधिकारी पहिलो भइन् । अनुले २५ मिनेट ३ सेकेन्डमा दूरी तय गरिन् । सुमिता राई दोश्रो र करातेकै तारा गुरुङ तेश्रो भए । यो स्पर्धामा शीर्ष तीन स्थान हात पार्नेले विद्यालयतर्फकै सरह नगद पुरस्कार जिते । प्रतियोगताको कुल पुरस्कार राशी १ लाख ७२ हजार रुपैयाा रहेको थियो ।
विजेतालाई राष्ट्रिय खेलकुद परिषद्का सदस्य–सचिव केशवकुमार विष्ट, सांसद्द्वय गगन थापा र गीता राणा, प्यारागनका प्रबन्ध निर्देशक साकिर उद्दिन, प्यारागनका भाइस प्रिन्सिपल एवं रेस संयोजक मनोज विक तथा अल्ट्रा धाविक मीरा राईले पुरस्कृत गरे ।
सोही अवसरमा विभिन्न अन्तर्राष्ट्रिय अल्ट्रा दौडमा पदक जित्दै देशको गौरव अभिबृद्धि गरेकोमा मीरालाई नगदसहित सम्मान गरिएको थियो । प्रबन्ध निर्देशक साकिरले मीरालाई ३५ हजार नगदसहित सम्मान पत्र प्रदान गरे ।
दौडमा करिब ३ हजार प्रतिस्पर्धीले सहभागिता जनाएको प्यारागनका खेलकुद शिक्षक एवं १० औं सागका स्वर्ण विजेता कुशल श्रेष्ठले जनाएका छन् । सबै दौडको दूरी ५ किलोमिटर रहेको थियो ।
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]
April 10, 2024
धनगढी (हाम्रो खेलकुद) – धनगढी जेसिजले नयाँ बर्षको अवसरमा आयोजना गर्ने धनगढी हाफ म्याराथनको तयारी अन्तिम चरणमा पुगेको बताइएको छ । अब धनगढी दौडिन्छ भन्ने नाराका साथ आयोजना हुने धनगढी हाफ म्याराथनको दसौं संस्करणको तयारी अन्तिम चरणमा पुगेको बुधबार पत्रकार सम्मेलनमार्फत संयोजक आशिष शाहले जानकारी दिए । हाफ म्याराथन २०८१ वैशाख १ गते हुनेछ । […]
April 10, 2024
काठमाडौं (हाम्रो खेलकुद)- लन्डन म्याराथनमा भाग लिन धावक गोपीचन्द्र पार्की शुक्रबार त्यसतर्फ जाने भएको छन्। नेपालगञ्ज म्याराथनले बुधबार गोपीका लागि विदाई गरेको छ। राष्ट्रिय खेलकुद परिषद (राखेप) ला सदस्य सचिव टंकलाल घिसिङ, लि निङ आधिकारीक विक्रेता चाइना ट्रेड लिंक प्रालिका कार्यकारी अध्यक्ष राजन महर्जन, नेपालगञ्ज म्याराथनका अध्यक्ष टीएस ठकुरीले विदाई गरे। लन्डन म्याराथन वैशाख ९ […]