काठमाडौं (हाम्रो खेलकुद) – भारतमा हुने व्हील चेयर क्रिकेट र बास्केटबल प्रतियोगितामा भाग लिन नेपाली टोली शनिबार त्यसतर्फ प्रस्थान गर्दैछ ।

भारत जाने खेलाडी हिमाल अर्याल, भरत कार्की, तिलकराम पोखरेल क्षेत्री, अकल तामाङ, डिगमसिंह चेम्जोङ, धनमान तामाङ, रामबहादुर तामाङ, साजन श्रेष्ठ छन् । त्यस्तै राजु गुरुङ, डम्बर मगर, दानबहादुर थिङ, दण्ड बुढाथोकी, विष्णु श्रेष्ठ, रामकाजी मिजार र नारायण दवाडी टोलीमा छन् । नेपाल पारा ओलम्पिक कमिटीका सचिव छुल्टिङ शेर्पा टोलीको अफिसियलमा छन् । तीनै खेलाडीले क्रिकेट र बास्केटबल दुवैतर्फ प्रतिस्पर्धा गर्नेछन् ।
बास्केटबल नोभेम्बर २८ देखि डिसेम्बर १ आग्रामा र क्रिकेट डिसेम्बर ३ देखि ५ तारिखसम्म दिल्लीमा हुनेछ । टोलीलाई राष्ट्रिय खेलकुद परिषद्का सदस्य–सचिव केशवकुमार विष्ट र नेपाल पारा ओलम्पिक कमिटीका अध्यक्ष दीपक कोइरालाले शुक्रबार बिदाइ गरे ।