3 years ago
August 23, 2022
काठमाडौं (हाम्रो खेलकुद) – राष्ट्रिय बास्केटबल टोलीलाई लि निङले प्रायोजन गरेको छ । नेपाल बास्केटबल संघ तथा खेल पोशाक र सामाग्रीको अन्तर्राष्ट्रिय ब्रान्ड लि निङको आधिकारिक विक्रेता चाइना ट्रेड लिंक कम्पनी प्रा.लि. (सिटिएल) बीच मंगलबार सम्झौता भएको छ ।
संघका अध्यक्ष भीम गुरुङ र सिटिएलका अध्यक्ष राजन महर्जनले सम्झौता पत्रमा हस्ताक्षर गरेका छन् । सम्झौता अनुसार लि निङ अन्तर्राष्ट्रिय प्रतियोगितामा नेपालले भाग लिने महिला र पुरुष दुवैतर्फका सिनियर र जुनियर टोलीलाई खेल पोशाक उपलब्ध गराउने छ ।
राष्ट्रिय टोलीकी कप्तान सदिना श्रेष्ठले पहिलो पटक अधिकारिक जर्सी लगाएर खेल्न पाउँदा खुसी लागेको बताइन् । ‘पहिलो पटक राष्ट्रिय टोलीको जर्सीमा कुनै ब्राण्डको लोगो हुनेछ । लि निङको जर्सी लगाएर राष्ट्रिय टोलीबाट खेल्न उत्साहित छौं । अब आउने साबा महिला च्याम्पियनसिपमा राष्ट्रिय टोलीले यहि जर्सी लगाएर खेल्नेछ,’ उनले भनिन् ।
त्यस्तै पुरुष टोलीका कप्तान सधिश प्रधानले विश्वस्तरीय ब्रान्ड प्रयोग गर्न पाउँदा खुसी व्यक्त गरे । ‘लि निङ जस्तो विश्व स्तरीय ब्रान्ड राष्ट्रिय टोलीसँग जोडिएको छ । यसका लागि म र हामी खेलाडी धन्यवाद व्यक्त गर्न चाहन्छौं,’ उनले भने ।
सम्झौता अहिले एक वर्षका लागि रहनेर आउने वर्षहरुमा पनि यसले निरन्तरता पाउनेमा आफू विश्वस्त रहेको सिटिएलका अध्यक्ष महर्जनले बताए । लि निङले प्रायोजन वापत उपलब्ध गराउने सामाग्री बाहेक संघ वा खेलाडीले लि निङका खेल पोशाक र सामाग्री खरिद गर्दा ३० प्रतिशत छुट दिइने पनि सम्झौतामा उल्लेख छ । संघका अध्यक्ष गुरुङले बास्केटबल टोलीलाई सहयोग गरेकोमा लि निङलाई धन्यवाद दिए ।
लि निङले प्रचार प्रसारका लागि बास्केबलका खेलाडी प्रायोग गर्न सक्ने र संघले लि निङको प्रचारमा सहयोग गर्नुपर्नेछ ।
May 21, 2025
काठमाडौं (हाम्रो खेलकुद)- गोल्डेनगेट बास्केटबल क्लबले हिमालयन जाभा बास्केटबल लिग (एचजेबिएल) मा चौथो जित हात पारेको छ । कीर्तिपुर कभर्डहलमा बुधवार भएको एक मात्र खेलमा गोल्डेनगेटले रोयल्सलाई ८२-७४ ले पराजित गरेको हो ।चौथो जितपछि गोल्डेगेटले ५ खेलबाट शीर्ष स्थानको हाउण्ड्स समान ९ अंक जोडेको छ । रोयल्सको यो तेस्रो हार हो । ५ खेलबाट ७ […]
May 13, 2025
हिमाल खरेल, बिर्तामोड झापामा पहिलोपल्ट आयोजना गरिएको राष्ट्रियस्तरको दुई दिने झापा थ्री एक्स थ्री बास्केटबल प्रतियोगिताको उपाधि काठमाडौंको टाइम्स क्लबले जितेको छ । हिजो राति अबेर भएको फाइनल खेलमा विभागीय टोली त्रिभुवन आर्मी क्लबमाथि कठिन जित निकाल्दै टाइम्स च्याम्पियन बनेको हो । निर्धारित १० मिनेटको खेलमा टाइम्सले १९–१८ स्कोरको जित निकाल्दै उपाधि जितेको हो । […]
May 4, 2025
काठमाडौं (हाम्रो खेलकुद)- हिमालयन जाभा बास्केटबल लिग (एचजेबिएल) अन्तर्गत आजको खेलमा टाइम्स बास्केटबल क्लब विजयी भएको छ। टाइम्सले गोल्डेनगेट बास्केटबल क्लबलाई रोमाञ्चक प्रतिस्पर्धामा ७६-७१ को स्कोरमा पराजित गर्दै विजयी सुरुवात गर्यो । कीर्तिपुरको कभर्डहलमा भएको खेलको पहिलो क्वाटरमा टाइम्सले २१-११ को अग्रता बनायो। तर दोस्रो क्वाटरमा टाइम्सलाई १३ स्कोरमा रोक्दै गोल्डेन गेटले २४ स्कोर गर्यो। […]
