काठमाडौं (हाम्रो खेलकुद)– टिआइए कप अन्तरविद्यालय बास्केटबलको गल्र्सतर्फ चान्दबागले आयोजक ठुङ्रम इन्टरनेसनल एकेडेमी (टिआइए) लाई २३–१० ले हराएको छ । हात्तिगौडास्थित टिआइएको कोर्टमा भएको गल्र्सका अन्य खेलमा होली भिजन र भ्याली पब्लिक विजयी भएका छन् ।
त्यस्तै ब्वाइजतर्फ टिआइए, भ्याली पब्लिक एचएचसिए र एन्जल हार्ट विजयी भए । रितिस्नाको २१ स्कोरमा होली भिजनले बाबालाई २८–१० ले हरायो । त्यस्तै भ्याली पब्लिकले एससिआइबिएसलाई ४१–१० ले हराउँदा विजयी टोलीकी लक्ष्मी चौधरीले १८ स्कोर गरिन् ।
ब्वाइजमा टिआइएले दुर्गा भवानीलाई २८–१० ले हरायो । टिआइएका अमन काम्बाङले १० स्कोर गरे । राहुल विकेको १६ स्कोरको मद्दतमा भ्याली पब्लिकले ज्ञान निकेतनले ४५–३९ ले हरायो । एचएचसिएले बुद्ध एकेडेमीलार्य ५६–३४ ले हराउँदा विजेता टोलीका विशाल मानन्धरले १६ स्कोर गरे । त्यस्तै एन्जल हार्टले अमर स्कुललाई २०–८ ले हरायो । एन्जेल हार्टका जीवन पुनले ११ स्कोर गरे ।
