काठमाडौं (हाम्रो खेलकुद)– टिआइए कप अन्तरविद्यालय बास्केटबल प्रतियोगितामा आइतबार भ्याली पब्लिकले दोहोरो सफलता हासिल गरेको छ । ब्वाइजतर्फ चान्दबागलाई ३३–२७ ले हराएको भ्याली पब्लिकले गल्र्समा इडन ब्रिजलाई २७–१६ ले हराएको छ । भ्याली पब्लिकको जितमा ब्वाइजतर्फ विनोद नेपालीले १२ र गल्र्समा रोशनी श्रेष्ठले १४ स्कोर गरिन् ।
ठुङरम इन्टरनेसनल एकेडेमी (टिआइए) को आयोजनामा जारी १२ औं टिआइए बास्केबलमा आइतबार ब्वाइजतर्फका अन्य खेलमा ग्रिनल्यान्ड, स्काईलार्क र न्यू भिजन विजयी भए । ग्रिनल्यान्डले एन्जल हार्टलाई २४–१८ ले तथा सुनिल मगरको १८ स्कोरको मद्दतमा स्काईलार्कले बसुन्धरा नेसनल स्कुलाई ४८–२२ ले पराजित गर्यो ।
न्यू भिजनले एलआइआईलाई १७ –८ ले हरायो । न्यू भिजनका अरिशाले १० स्कोर गरिन् । गल्र्सतर्फको खेलमा चान्दबागले भद्रकालीलाई २०–८ ले हरायो । चान्दबागका लागि अशिमा पुनले १० स्कोर गरिन् ।
