काठमाडौं (हाम्रो खेलकुद)– आयोजक ठूङरम इन्टनरनेसनल एकेडेमी (टिआइए) को गल्र्स र ब्वाइज दुवै टोली १२ औं टिआइए अन्तरविद्यालय बास्केटबल प्रतियोगिताको क्वार्टरफाइनलमा पुगेका छन् ।
समूह चरणको अन्तिम खेलमा सोमबार लोयल्टीसँग १८–१७ ले हार्नाका वावजुद टिआइए गल्र्सको अन्तिम आठमा प्रवेश गरेको हो । लोयल्टीका लागि विन्दु लिम्बुले ६ स्कोर गरिन् ।
व्वाइजतर्फ भने भने टिआइएले समूह चरणको अन्तिम खेल जित्यो । अतुल थापाको २४ स्कोरको मद्दतमा टिआइएले स्काई लार्कलाई ५१–३७ ले हरायो । ब्वाइजतर्फका अन्य खेलमा आशिष श्रेष्ठको २० स्कोरमा ग्रिनल्यान्डले अमरलाई ४५–१० ले तथा ज्ञान निकेतनले चान्दबागले २७–१८ ले पराजित गर्यो ।
प्रतियोगिताको क्वार्टरफाइनल मंगलबार हुनेछ । गल्र्सतर्फ भ्याली पब्लिक र भद्रकाली, चान्दबाग र इडन ब्रिज, मल्पी र टिआइए तथा बाबा बोर्डिङ र लोयल्टीबीच प्रतिस्पर्धा हुनेछ । त्यस्तै ब्वाइजतर्फ एचएचसिए र ज्ञान निकेतन, ग्रिनल्यान्ड र स्काई लार्क, भ्याली पब्लिक र बुद्ध एकेडेमी तथा टिआइए र एन्जल हार्टबीच खेल हुनेछ ।
