1 year ago
October 1, 2023
काठमाडौं (हाम्रो खेलकुद) – राष्ट्रिय बास्केबल लिग (एनबिएल) को तेस्रो दिन टाइम्स इन्टरनेसनल कलेज र बुढानिलकण्ठ बास्केबल कलब विजयी भएका छन् ।
गातार दोस्रो जित निकाल्ने क्रममा आइतबार टाइम्सले हाउन्डस एकेडेमीलाई ९९–७२ अंकले पराजित गरेको छ ।त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलमा टाइम्सले सुरुवातबाटै अग्रता लिएको थियो ।
टाइम्सले पहिलो खेलमा कीर्तिपुर बास्केटबल क्लबलाई हराएको थियो । लिगमा हाउन्डसले आइतबार पहिलो खेल खेलेको थियो । आइतबारको दोस्रो खेलमा बुढानिलकण्ठले कीर्तिपुरलाई ७१–६४ अंकले हरायो ।
बुढानिलकण्ठले पहिलो खेलमै सफलता हासिल गर्दा कीर्तिपुरले लगातार दोस्रो हार बेहोरेको छ । एनबिएलमा सोमबार दिउँसो २ बजे हुने पहिलो खेल गोल्डेन इन्टरनेसनल कलेज र विशाल मिलन केन्द्र तथा साँझ साढे ५ बजे त्रिभुवन आर्मी क्लब र रोयल स्पोर्टस सेन्टरबीच प्रतिस्पर्धा हुनेछ ।
नेपाल बास्केटबल संघ र डिजिफ्लाइको सहकार्यमा हुने सिंगल राउन्ड रोबिनको एनबिएलमा ८ टोली सहभागी छन् । असोज २७ गतेसम्म चल्ने प्रतियोगिताको विजेताले उपाधि सहित ५ लाख र दोस्रो हुने टोलीले २ लाख ५० हजार रुपैयाँ प्राप्त गर्नेछ ।
June 10, 2024
सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]
May 9, 2024
काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]
May 5, 2024
काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]
