default_image

10 months ago

October 11, 2023

एनबिएलमा टाइम्सको विजय यात्रा जारी

291 views

0 Bookmark

काठमाडौं (हाम्रो खेलकुद) – टाइम्स इन्टरनेसनल कलेजले राष्ट्रिय बास्केटबल लिग (एनबिएल) मा विजय यात्रालाई जारी राखेको छ । टाइम्सले बुधबार विशाल मिलन केन्द्रलाई ११२–७६ ले हराउँदै एनबिएलमा छैटौं जित दर्ता गरेको छ ।

अन्तिम खेल अघि १२ अंकका साथ टाइम्स शीर्षस्थानमा रहेको छ । टाइम्सलाई पछ्याउँदै त्रिभुवन आर्मी क्लब दोस्रो स्थानमा उक्लेको छ । आर्मीले बुधबार कीर्तिपुर बास्केबल क्लबलाई ११५–११३ ले हरााएको छ । एनबिएलमा पाँचौं जित हासिल गरेको आर्मीको ११ अंक छ ।

त्रिपुरेश्वरस्थित राष्ट्रिय खेलकुद परिषद्को कभर्ड हलमा पहिलो खेलमा टाइम्सले तेस्रो क्वार्टरपछि खेलमा नियन्त्रण बनाएको थियो । पहिलो क्वार्टरमा १७–२२ ले पछि रहेको टाइम्सले दोस्रो क्वार्टरको समाप्तीमा ४०–४० को बराबरी गर्न सफल भएको थियो । तेस्रो क्वार्टरको अन्त्यमा पुग्दा अग्रता बढाउने क्रममा टाइम्सले ७०–५७ बनाएकोा थियो । २७ स्कोर गरेका टाइम्सका सुरज खड्गी खेलको म्यान अफ दी म्याच चुनिए ।

दोस्रो खेल पनि निकै रोचक रह्यो । पहिलो क्वार्टरको समाप्तीमा आर्मी २९–२३ ले अगाडि थियो । तर दोस्रो क्वार्टरमा पुग्दा कीर्तिपुरले ५८–५० ले अग्रता बनायो । तेस्रो क्वार्टरको अन्त्यमा पनि कीर्तिपुर ८५–८४ ले अगाडि रह्यो ।

अन्तिम क्वार्टरमा आर्मीले खेलमा पुनरागमन गर्यो । कीर्तिपुरले २८ स्कोर गर्यो भने त्यसको विरुद्ध आर्मीले ३१ स्कोर गर्दै नतिजा आफ्नो पक्षमा पार्यो । २७ स्कोर गरेका आर्मीकाा विनोद महर्जन खेलको म्यान अफ दी म्याच घोषित भए ।

एनबिएललमा अब उपाधि दौडममा टाइम्स र आर्मी मात्र छन् । कीर्तिपुर ९ अंकका साथ तेस्रो, रोयल स्पोर्टस सेन्ट्रल ८ अंकसहित चौथो स्थानमा छ । समान ७ अंक रहेको बुढानिलकण्ठ बास्केबल कलब पाँचौं, विशाल मिलन छैटौं स्थानमा छ । त्यस्तै सातौं स्थानमा रहेको हाउड्सन बास्केटबल एकेडेमी र पुछारमा रहेको गोल्डेन गेट इन्टरनेसनल कलबको समान ६ अंक छ ।

नेपाल बास्केटबल संघ र डिजिफ्लाइको सहकार्यमा हुने सिंगल राउन्ड रोबिनको एनबिएलमा ८ टोली सहभागी छन् । असोज २७ गतेसम्म चल्ने प्रतियोगिताको विजेताले उपाधि सहित ५ लाख र दोस्रो हुने टोलीले २ लाख ५० हजार रुपैयाँ प्राप्त गर्नेछ ।

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

May 9, 2024

बास्केटबल टोली सम्मानित

काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]

May 5, 2024

काभ्रेमा अर्को महिना थ्री बाइ थ्री बास्केटबल हुने

काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]

Success

Thank you for your time.