काठमाडौ (हाम्रो खेलकुद) – दोस्रो उपत्यकास्तरीय ह्विलचियर बास्केटबल प्रतियोगिताको उपाधि महिलातर्फ जावलाखेल ह्विलचियर स्पोर्ट्स क्लब (जेडब्लुएससी) र पुरुषतर्फ विभागीय टोली त्रिभुवन आर्मी क्लबले जितेको छ ।

नेपाल स्पाइनल कर्ड इन्जरी खेलकुद संघ (एनएससीआईएसए)को आयोजनामा त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार भएको फाइनलमा जेडब्लुएससीले एससिआईएनएनलाई १८–७ ले हराउँदै महिलातर्फको उपाधि जितेको हो ।

पुरुषतर्फकाके फाइनलमा आर्मीले एपिएफलाई २१–१७ ले पराजित ग¥यो । आर्मी र एपिएफ समूह चरणमा ‘ए’ मा थिए । आर्मी विजेता र एपिएफ उपविजेताका रुपमा सेमिफाइनल पुगेका थिए । समूह चरणमा पनि आर्मीले एपिएफलाई २६–२१ ले हराएको थियो ।

त्यसअघि सेमिफाइनलमा आर्मीले बिआइएलाई ३६–१७ ले र एपिएफले रोमान्चक खेलमा एससिआइएनएनलाई २०–१९ ले हराएको थियो । पुरुषतर्फ एससिआइएनएन तेस्रो बन्यो । एससिआइएनएनले बिआइएलाई १७–१६ हराउँदै तेस्रो स्थान प्राप्त गरेको थियो ।

महिलातर्फको सेमिफाइनलमा जेडब्लुबिआइएलाई १४–० ले र एससिआइएनएनले विइनलाई १४–४ ले हराएको थियो । बिआईएले विइनलाई ६–० ले हराउँदै महिलातर्फ तेस्रो स्थान प्राप्त गर्यो ।

दुवैतर्फको विजेता टोलीले ५० हजार, दोस्रोले ४० र तेस्रो टोलीले ३० हजार रुपैयाँ प्राप्त गरे । महिलातर्फ विजेता जेडब्लुएससीकीकी राजनी राई र पुरुषतर्फ विजेता आर्मीका रामबहादुर तामाङ मोस्ट भ्यालुयबल प्लेअर घोषित भए ।

त्यस्तै पुरुषतर्फ आर्मीका रमेश खत्री र महिलातर्फ जेडब्लुएससीकी तुलसा मगर हाइएस्ट स्कोरर बने । मस्ट भ्यालुएबल र हाइएस्ट स्कोररले समान २ हजार ५ सय रुपैयाँ प्राप्त गरे ।