7 years ago
August 6, 2017
काठमाडौँ (हाम्रो खेलकुद) – नेबा प्रेसिडेन्ट कप थ्री बाइ थ्री राष्ट्रव्यापी पुरुष तथा महिला बास्केटबल प्रतियोगिताको उपाधि क्रमश: गोल्डेनगेट ‘बी’ र प्राइम ‘डि’ ले जितेका छन् । आइतबार भएको दुवै फाइनल खेल प्रतिस्पर्धात्मक रह्यो। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको प्रतियोगिताको पुरुष फाइनलमा गोल्डेनगेट ‘बी’ ले गोल्डेनगेट ‘ए’ लाई २१–२० को झीनो अन्तरले […]
काठमाडौँ (हाम्रो खेलकुद) – नेबा प्रेसिडेन्ट कप थ्री बाइ थ्री राष्ट्रव्यापी पुरुष तथा महिला बास्केटबल प्रतियोगिताको उपाधि क्रमश: गोल्डेनगेट ‘बी’ र प्राइम ‘डि’ ले जितेका छन् । आइतबार भएको दुवै फाइनल खेल प्रतिस्पर्धात्मक रह्यो।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको प्रतियोगिताको पुरुष फाइनलमा गोल्डेनगेट ‘बी’ ले गोल्डेनगेट ‘ए’ लाई २१–२० को झीनो अन्तरले पराजित ग¥यो । विजयी टिमका लागि अशिम श्रेष्ठ र राजिव जोशीले ७–७, विक्रम डंगोलले ५ तथा अनिश शाहीले २ अंक जोडे । विजेताले ४० हजार नगद पुरस्कार पायो भने उपविजेताले २० हजार नगदमा चित्त बुझायो ।
नेपाल बास्केटबल संघ (नेबा) को सहकार्यमा ललितपुर जिल्ला बास्केटबल संघले आयोजना गरेको प्रतियोगिताको महिला उपाधि भिडन्तमा प्राइम ‘डि’ ले प्राइम ‘ए’ लाई १३–११ ले हरायो । जितमा लुनिभा सिंहले १०, सिर्जना गिरीले २ र येति क्षेत्रीले १ अंक योगदान गरे । प्राइम ‘डि’ ले ३० हजार तथा प्राइम ‘ए’ ले १५ हजार नगद पुरस्कार हात पारे । पुरुषमा राजिव जोशी र महिलामा लुनिभा सिंह ‘मोस्ट भेलुएबल प्लेयर’ चुनिए । उपाधि विजेता टोलीका दुवैलाई समान ७–७ हजार नगदबाट पुरस्कृत गरियो ।
लिग कम नकआउट आधारमा भएको प्रतियोगिताको अन्तिम दिन आइतबार सबै चरणका नकआउट खेल भएका थिए । पहिलो दिन शनिबार समूह चरणको खेल खेलाइएको थियो ।
विजेतालाई नेपाल ओलम्पिक कमिटी (एनओसी) का अध्यक्ष जीवनराम श्रेष्ठ, राखेपका उपाध्यक्ष एवं एनओसीका महासचिव समेत रहेका नेबाका अध्यक्ष लामा टेन्डी शेर्पा, नेपाल ब्याडमिन्टन संघका अध्यक्ष रामजीबहादुर श्रेष्ठ, नेबाका उपाध्यक्ष भुवनसिंह गुरुङ, महासचिव नरेन्द्र थापा, आयोजक ललितपुर जिल्ला बास्केटबल संघका महासचिव शरद् विष्टलगायतले एक कार्यक्रमबीच पुरस्कृत गरे । दुईदिने प्रतियोगिताको पुरुषमा ४८ तथा महिलामा १२ गरी ६० टिम सहभागी थिए ।
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 10, 2024
काठमाडौ (हाम्रो खेलकुद) – दोस्रो उपत्यकास्तरीय ह्विलचियर बास्केटबल प्रतियोगिताको उपाधि महिलातर्फ जावलाखेल ह्विलचियर स्पोर्ट्स क्लब (जेडब्लुएससी) र पुरुषतर्फ विभागीय टोली त्रिभुवन आर्मी क्लबले जितेको छ । नेपाल स्पाइनल कर्ड इन्जरी खेलकुद संघ (एनएससीआईएसए)को आयोजनामा त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार भएको फाइनलमा जेडब्लुएससीले एससिआईएनएनलाई १८–७ ले हराउँदै महिलातर्फको उपाधि जितेको हो । पुरुषतर्फकाके […]
March 7, 2024
काठमाडौं (हाम्रो खेलकुद) – नेपाल बास्केटबल संघको आयोजनामा ‘थ्री वाइ थ्री’ बास्केटबल प्रतियोगिता हुने भएको छ । त्रिपुरेश्वरस्थित राष्टिय खेलकुद परिषद् (राखेप)को सेमी कभर्ड हलमा शनिबार सुरु हुने प्रतियोगितामा ब्वाइज र गर्ल्स दुई विधामा प्रतिस्पर्धा हुनेछ । ब्वाइजतर्फ ३२ र गर्ल्सतर्फ ८ टोलीको सहभागिता रहने प्रतियोगितामा विदेशी टोलीका रूपमा ‘बंगलादेश नेभी’ र ‘बंगलादेश युनिभर्सि’टीको क्लबले […]