काठमाडौं (हाम्रो खेलकुद) – साइपाल एकेडेमी दोस्रो रोज बड उपत्यकाव्यापी अन्तरकलेज बास्केटबल प्रतियोगिताको गर्ल्सतर्फ फाइनलमा प्रवेश गरेको छ ।
राउन्ड रोविन लिगको आधारमा जारी प्रतियोगितामा बुधबार साइपालले एसलाई ४५–२६ ले पराजित गर्दै उपाधि नजिक पुगेको हो । साइपालको जितमा रोशनी श्रेष्ठले सर्वाधिक १२ अंक जोडिन् ।
फाइनलमा साइपालको भेट जेभियर इन्टरनेसनल कलेजसंग हुनेछ । यस्तै पूरुषतर्फ सीसीआरसी क्वाटरफाइनलमा स्थान बनाएको छ । सीसीआरसीले एसलाई ४६–३० ले हरायो । सीसीआरसीको जितमा आशिष बस्नेतले १० अंक योगदान गरे ।
ब्वाइजको अन्य लिगमा जेभियरले ज्ञान निकेतनलाई ५२–३६ तथा गोल्डेनगेटले बर्न हार्टलाई ४९–३८ ले पन्छाए । जेभियरका अनुप वाइबाले १५ तथा गोल्डेनगेटका विवेक राउतले १६ स्कोर गरे ।
