6 years ago
March 28, 2018
काठमाडौं (हाम्रो खेलकुद) – विभागीय टोली त्रिभुवन आर्मी क्लब र गोल्डेन गेट कलेज राजधानीमा जारी ‘होम एण्ड अवे’ क्वीक्स बास्केटबल लिगको फाइनलमा प्रवेश गरेका छन् । लिग अन्तर्गत बुधबार भएको पहिलो प्ले अफमा त्रिभुवन आर्मी क्लबले हिमालयन हन्डसलाई १०५–७९ को फराकिलो अन्तरले पराजित गर्दै फाइनलमा स्थान बनाउन भएको हो । त्यस्तै गोल्डेनगेटले वशाल मिलन केन्द्र […]
काठमाडौं (हाम्रो खेलकुद) – विभागीय टोली त्रिभुवन आर्मी क्लब र गोल्डेन गेट कलेज राजधानीमा जारी ‘होम एण्ड अवे’ क्वीक्स बास्केटबल लिगको फाइनलमा प्रवेश गरेका छन् ।
लिग अन्तर्गत बुधबार भएको पहिलो प्ले अफमा त्रिभुवन आर्मी क्लबले हिमालयन हन्डसलाई १०५–७९ को फराकिलो अन्तरले पराजित गर्दै फाइनलमा स्थान बनाउन भएको हो । त्यस्तै गोल्डेनगेटले वशाल मिलन केन्द्र (विएमके) लाई पराजत गर्दै फाइनलमा आर्मीसँगको भेट पक्का गरेको हो ।
आर्मीको घरेलु मैदान भद्रकालीमा भएको खेलमा आर्मीले पहिलो क्वार्टरमा २९–११ को फराकिलो अग्रता बनाएको थियो । दोस्रो क्वार्टरमा १९–१७ को झिनो अग्रता बनाएको आर्मीले तेस्रो क्वार्टर २९–२३ ले आफ्नो पक्षमा पारेको थियो । चौथो क्वार्टर भने २८–२८ को बराबरीमा सकिएको थियो । आर्मीको जितमा कप्तान सदिश प्रधानले २३ र आशिष बस्नेतले २२ अंकको योगदान दिए । हन्डसका मविन्द्र भण्डारीले २२ अंकको योगदान दिएपनि टिमलाई जिताउन सकेनन् ।
बुधबारै भएको दोस्रो प्ले अफमा गोल्डेनगेट इनटरनेशनल कलेजले विएमकेलाई ११३–७९ को फराकिलो अन्तरले पराजित गर्दै फाइनलमा आर्मीसँगको भेट पक्का गर्यो । लिग चरणमा यी दुई टोलीले एक आपसमा एक–एक खेल जितेका थिए । गोल्डेनगेटले पहिलो क्वार्टरमा २९–२० को अग्रता बनाएको थियो । दोस्रो क्वार्टरमा ३२–११ को फराकिलो अग्रता बनाएको गोल्डेनगेटले तेस्रो क्वार्टरमा भने २९–२९ को बराबरी खेलेको थियो ।
तर, चौथो क्वार्टरमा गोल्डेनगेटले २३–१९ को अग्रता बनाएपछि फराकिलो जित निकाल्न सफल भयो । गोल्डेनगेटको लागि विपेन्द्र महर्जनले ३७ अंकको योगदान दिए । राजीव जोशीले ३३ अंक बनाए । फाइनल खेल शनिबार त्रिपुरेश्वरस्थित राष्ट्रिय खेलकुद परिषदको कवर्डहलमा हुनेछ । तेस्रो स्थानको लागि पनि सोही दिन नै खेल हुनेछ ।
आयोजक प्ले फर डिप्राइभ्ड चिल्ड्रेन नेपाल (पिडिसिएन) ले आयोजना गरेको लिग गत फागुन ५ गतेबाट राजधानीको विभिन्न ९ स्थानमा भएको थियो । लिगमा साउथ साइडर्स, टिम बुढानिलकण्ठ नगरपालिका, हिमालयन हन्ड्स, गोल्डेनगेट कलेज, त्रिभुवन आर्मी क्लब, जेभियर कलेज, कीर्तिपुर बास्केटबल टिम र विशाल मिलन केन्द्रले सहभागिता जनाएका छन् ।
लिगको विजेताले २ लाख रुपैया प्राप्त गर्नेछन् । दोस्रो हुने टोलीले १ लाख ५० हजार प्राप्त गर्ने आयोजकले जनाएको छ । प्रतियोगिताको उत्कृष्ट खेलाडी, सर्वाधिक स्कोरर, डिफेन्स, इमर्जिङ खेलाडी र प्रशिक्षकले १० हजार रुपैया बराबरको उपहार प्राप्त गर्नेछन् ।
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 10, 2024
काठमाडौ (हाम्रो खेलकुद) – दोस्रो उपत्यकास्तरीय ह्विलचियर बास्केटबल प्रतियोगिताको उपाधि महिलातर्फ जावलाखेल ह्विलचियर स्पोर्ट्स क्लब (जेडब्लुएससी) र पुरुषतर्फ विभागीय टोली त्रिभुवन आर्मी क्लबले जितेको छ । नेपाल स्पाइनल कर्ड इन्जरी खेलकुद संघ (एनएससीआईएसए)को आयोजनामा त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार भएको फाइनलमा जेडब्लुएससीले एससिआईएनएनलाई १८–७ ले हराउँदै महिलातर्फको उपाधि जितेको हो । पुरुषतर्फकाके […]
