काठमाडौं, माघ १५ । आयोजक ओडिसी इन्टरनेसनल एकेडेमी र ग्रिनल्यान्डले आठौं ओडिसी अन्तरविद्यालय बास्केटबल प्रतियोगिताको जुनियर ब्वाइजमा शुक्रबार विजयी सुरुआत गरेका छन् ।
धापासीस्थित घरेलु कोर्टमा ओडिसीले नोब्सलाई २१–१५ ले पराजित ग¥यो ।
ओडिसीका विशाल राईले ६ अंक जोडे । रोशन आलेमगरको ६ अंक सहयोगमा ग्रिनल्यान्डले मन्जरीलाई १३–४ ले हरायो । जुनियर ब्वाइजमै बीएनएले सेबलाई १२–११, एन्जल्स हर्टले अभियान पब्लिक स्कुललाई १३–८ तथा गोल्डेनपिकले डेनेब एकेडेमीलाई २५–१२ ले पन्छाए ।
बीएनएका निशान थापाले ६, एन्जल्स हर्टका शैलेश कँडेलले ८ र गोल्डेनपिकका पेम्बाले १० अंक जोडे । जुनियर ब्वाइजमै दोहोरो जित हात पार्ने क्रममा माउन्ट ग्लोरीले जगत मन्दिरलाई ३०–१० तथा एनआईबीएचलाई २२–८ ले निराश पारे ।
विजयी टिमका लागि जगत मन्दिर विरुद्ध अनिश श्रेष्ठले १२ तथा एनआईबीएच विरुद्ध निशान घलेले ८ स्कोर गरे ।
