हेम्स छैटौं प्याब्सन मध्य क्षेत्रीय अन्तरविद्यालय बास्केटबल प्रतियोगिताको गल्र्सतर्फ शनिबार फाइनलमा प्रवेश गरेको छ ।
प्याब्सन मध्य क्षेत्रीय समिति, काठमाडौंद्वारा आयोजित प्रतियोगिताको पहिलो सेमिफाइनलमा हेम्सले एसियन पब्लिक स्कुललाई १०–८ ले पराजित गर्यो । हेम्सको जितमा सम्झना पोखरेलले ६ अंक योगदान गरिन् । हेम्सले उपाधिका लागि डेनेब र मार्वलसबीचको विजेतासंग प्रतिस्पर्धा गर्नेछ । डेनेबले सूर्योदयलाई १६–४ तथा मार्वलसले मार्टियर्स मेमोरियललाई १४–८ ले हराउदै सेमिफाइनलमा स्थान सुरक्षित गरेका थिए । डेनेबकी सब्नम श्रेष्ठले ८ तथा मार्वलसकी दिविका मगरले १२ स्कोर गरे। ब्वाइजतर्फ सेमिफाइनल समीकरण तयार भएको छ । डेनेबले काठमाडौं इङलिस स्कुल तथा मार्वलसले हेम्स विरुद्ध खेल्ने छन् ।
