काठमाडौं (हाम्रो खेलकुद) – साविकको विजेत गोल्डेनगेट कलेज राजधानीमा होम एन्ड लिगको आधारमा जारी क्वीक्स नेपाल बास्केटबल लिगको प्लेअफ नजिक पुगेको छ ।
गोल्डेनगेटले बुधबार एएनके कीर्तिपुर बास्केटबल टिमलाई ८९–६७ ले पराजित गर्दै लिगको प्ले अफ नजिक पुगेको हो । लिगको एक खेल बाँकी रहँदा गोल्डेनगेट १३ खेलबाट २० अंक जोडेर चौथो स्थानमा उक्लिएको छ । समान खेलबाटै २० अंक नै जोडेको विभागीय नेपाल पुलिस क्लब तेस्रो तथा समान खेलबाटै बुढानिलकण्ठ बास्केटबल टिम २० अंक जोडेर पाँचौ स्थानमा रहेको छ । टाइम्स (२४) र आर्मी (२३) ले प्ले अफमा स्थान सुरक्षित गरिसक्दा अब यि तीन टोली पुलिस, गोल्डेनगेट र बुढानिलकण्ठ) मध्ये दुई टोलीले प्ले अफमा स्थान बनाउनेछन् ।
अन्तिम खेलमा पुलिसले दि रोयल बास्केटबल, गोल्डेनगेटले कीर्तिपुरसँग तथ बुढानिलकण्ठले दि रोयलसँग खेल्दैछ । कीर्तिपुरको घरेलु मैदानमा बुधबार भएको खेलमा गोल्डेनगेटले सबै क्वाटरमा अग्रता लिदै सहज जित निकाल्न सफल भयो । गोल्डेनगेट पहिलो क्वाटरमा २१–१७ को अग्रता लिएको थियो । दोस्रो क्वाटरमा २४–१७, तेस्रोमा २६–१७ र चौथोमा १८–१७ को अग्रता लिदै सहज जित निकाल्न सफल भयो ।
गोल्डेनगेटको जितमा अभिषेक सिंहले सवाधिक ७ अंकको योगदान दिए । उनी खेलको म्यान अफ दि म्याच घोषित हुदै ३ हजार रुपैया पाए । लिगमा बिहीबार कीर्तिपुर बास्केटबल टिम र बिएमसी साउथ साइडर्सबीच कीर्तिपुरमा खेल हुनेछ ।
