काठमाडौं (हाम्रो खेलकुद)-एएनके कीर्तिपुर बास्केटबल टिमले लराजधानीमा होम एन्ड लिगको आधारमा जारी क्वीक्स नेपाल बास्केटबल लिगमा रोमाञ्चक जित हात पारेको छ ।

घरेलु मैदानमा कीर्तिपुरले बिएमसी साउथ साइडर्सलाई ७४–७१ को रोमाञ्चक जित निकालेको हो । बिहीबार भएको खेलको पहिलो क्वाटरमा घरेलु टोली २२–२६ ले पछि परेको थियो ।

दोस्रो क्वाटरमा पनि १०–११ ले पछि परेको कीर्तिपुरले तेस्रो क्वाटरमा १५–१४ को अग्रता लिदा कीर्तिपर ४७–५१ ले पछि परेको थियो । तर, निर्णायक क्वाटरमा कीर्तिपुरले २७–२० को अग्रता लिदै खेल ७४–७१ ले आफ्नो पक्षमा पार्न सफल भयो ।

कीर्तिपुरको जितमा अनिल खड्गीले २२ स्कोर, ६ रिवाउन्ड र ३ स्टिल गरेका थिए । उनी खेलको म्यान अफ दि म्याच हुदै ३ हजार रुपैया पाए । लिगको एक खेल बाँकी रहँदा गोल्डेनगेट, नेपाल पुलिस क्लब, बुढानिलकण्ठ बास्केटबल टिम समान २० अंक जोडेर प्ले अफको दौडमा छ ।

अब यि तीन टोली पुलिस, गोल्डेनगेट र बुढानिलकण्ठ) मध्ये दुई टोलीले प्ले अफमा स्थान बनाउनेछन् । अन्तिम खेलमा पुलिसले दि रोयल बास्केटबल, गोल्डेनगेटले कीर्तिपुरसँग तथ बुढानिलकण्ठले दि रोयलसँग खेल्दैछ ।

टाइम्स (२४) र आर्मी (२३) ले प्ले अफमा स्थान सुरक्षित गरिसकेको छ । लिगमा शुक्रबार दि रोयल बास्केटबल टिम र टाइम्स इन्टरनेसनल कलेजबीच खेल हुनेछ ।