9 years ago
August 5, 2015
नेपाली महिला बास्कटेबल टोलीले भारत तामिलनाडुको क्वाइम्बेटोरमा १० देखि १५ अगष्ट सम्म आयोजना हुने अखिल भारत बास्केटबल च्यामिपयनसिपमा प्रतिस्पर्धा गर्ने भएकोछ । महिला बास्केटबल टोलीलाई बुधबार एक कार्यक्रमविच राष्ट्रिय खेलकुद परिषदका उपाध्यक्ष एवं नेपाल बास्केटबल संघका अध्यक्ष लामा टेन्डी शेर्पाले परिषदमा बिदाई गरे ।प्रतियोगितामा सहभागि हुन जाने १९ जनाको टोलीमा स्नेहा श्रेष्ठ, सुजाता राई, उपमा […]
नेपाली महिला बास्कटेबल टोलीले भारत तामिलनाडुको क्वाइम्बेटोरमा १० देखि १५ अगष्ट सम्म आयोजना हुने अखिल भारत बास्केटबल च्यामिपयनसिपमा प्रतिस्पर्धा गर्ने भएकोछ ।
महिला बास्केटबल टोलीलाई बुधबार एक कार्यक्रमविच राष्ट्रिय खेलकुद परिषदका उपाध्यक्ष एवं नेपाल बास्केटबल संघका अध्यक्ष लामा टेन्डी शेर्पाले परिषदमा बिदाई गरे ।प्रतियोगितामा सहभागि हुन जाने १९ जनाको टोलीमा स्नेहा श्रेष्ठ, सुजाता राई, उपमा पोखरेल, भवानी लामा, अनुषा मल्ल, लुनिभा सिंह र कप्तानमा प्रिती तुलाचन रहेकाछन् । त्यस्तै नयाा खेलाडीको रुपमा डेब्यु गर्ने खेलाडीहरुमा शान्ति श्रेष्ठ, स्वेता खरेल, माया स्याङ्गतान र एलिना गुरुङ्ग छन् भने एलिशा मल्लले टिममा पुनरागमन गरेकी छिन् ।
टिम प्रशिक्षकमा विकास शाही रहेकाछन् । यसै पटक देखि नेपाली महिला टोलीले महिला प्रशिक्षक पाएकोछ । राष्ट्रिय टोलीकी खेलाडी सदिना श्रेष्ठले सहायक प्रशिक्षकको रुपमा टोलीको साथ रहने भएकी छिन् । यस्तै ब्यवस्थापकमा निरञ्जन सत्याल र अफिसियलमा नयना शाक्य रहेकाछन् ।
खेलाडीहरुलाई बिदाई गर्दै उपाध्यक्ष लामाले अधिकांश खेलाडीहरुले एशियाली प्रतियोगिताको अनुभव बटुली सकेको अवस्थामा बास्केटबल टोलीले राम्रो खेल प्रदर्शन गर्नेमा विश्वस्त रहेको बताए । उनले नेपाली खेलकुदमा महिला टोलीले निन्तर अभ्यास गर्न पाउने टोलीमा बास्केटबल भएकोले टोलीलाई भाग्यमानी भएको बताए । उनले आगमी फागुनमा आयोजना हुने साग प्रतियोगितामा बासकेटबललाई समेत समाबिष्ट गर्न पहल भईरहेको भन्दै साबा महिला बास्केटबल च्याम्पियनसिप गर्न प्रताब गरेकोमा साबा कमिटिले फेब्रुअरी २५ देखि २९ सम्ममा नेपालमा गर्न प्रस्ताव आएको समेत बताए ।
प्रशिक्षक विकास शाहीले नेपाली खेलाडीहरुले ३ महिना देखि निरन्तर प्रशिक्षण लिईरहेको तथा नयाा र पुरानाको सम्मिश्रण रहेकोले खेलाडीहरुको मनोबल र स्तरमा बृद्धि भएको बताए । उनले अघिल्लो संस्करणमा कुनै जित हात पार्न नसकेको टोलीले यस पटक कम्तिमा दुई खेल जित्नेमा विश्वस्त रहेको बताए । टोली बिहिबार त्यस तर्फ प्रस्थान गर्नेछ ।
March 7, 2024
काठमाडौं (हाम्रो खेलकुद) – नेपाल बास्केटबल संघको आयोजनामा ‘थ्री वाइ थ्री’ बास्केटबल प्रतियोगिता हुने भएको छ । त्रिपुरेश्वरस्थित राष्टिय खेलकुद परिषद् (राखेप)को सेमी कभर्ड हलमा शनिबार सुरु हुने प्रतियोगितामा ब्वाइज र गर्ल्स दुई विधामा प्रतिस्पर्धा हुनेछ । ब्वाइजतर्फ ३२ र गर्ल्सतर्फ ८ टोलीको सहभागिता रहने प्रतियोगितामा विदेशी टोलीका रूपमा ‘बंगलादेश नेभी’ र ‘बंगलादेश युनिभर्सि’टीको क्लबले […]
February 23, 2024
काठमाडौं (हाम्रो खेलकुद) – गुहेश्वरी, प्यारागन र बौद्ध चिल्ड्रेन हेभनले द चाँदबाग स्कुल दोश्रो कम्फेस्टअन्तर्गत फुटबल र बास्केटबलको उपाधि शुक्रबार जितेका छन् । गुहेश्वरी ब्वाइज फुटबल, प्यारागन ब्वाइज बास्केटबल र बौद्ध गल्र्स बास्केटबलमा च्याम्पियन बनेका हुन् । तीनै प्रतिस्पर्धा यु–१२ उमेरसमूहको हो । बाँसवारीस्थित आयोजक द चाँदबाग स्कुलमा भएको ब्वाइज फुटबलको फाइनलमा गुहेश्वरीले टीआईएलाई १–० […]
February 14, 2024
काठमाडौं (हाम्रो खेलकुद) – कीर्तिपुर नगरपालिकाको आयोजनामा यु–१८ राष्ट्रव्यापी अन्तर स्थानिय तह पुरुष बास्केटबल प्रतियोगिता आइतबार सुरु हुने भएको छ । प्रतियोगितामा १२ नगरपालिकाको टोलीकोसहभागिता निश्चित भइसकेको बुधबार आयोजित पत्रकार सम्मेलनमा कीर्तिपुर नगरपालिकाका मेयर राजकुमार नकर्मीले जानकारी गराए । त्यसबाहेक पोखरा, विराटनगर र टोखाले पनि बिहीबारसम्म सहभागिताको टुंगो लगाउने बताइएको छ । विजेताले १ लाख […]