2 years ago
November 23, 2022
कतार (हाम्रो खेलकुद) – फिफा विश्वकप कतार २०२२ अन्तर्गत समूह ई को पहिलो खेलमा जर्मनीले जापानविरुद्ध १९ वर्षीय मिडफिल्डर जमाल मुसियालालाई पहिलो रोजाइमा उतारेको छ ।
प्रशिक्षक हान्सी फ्लिकले बायर्न म्युनिखका युवा मिडफिल्डर मुसियालालाई पहिलो विश्वकप खेलमा नै सुरुवाती रोजाइमा अवसर दिएका हुन् । उनलाई आक्रमणमा सर्ज नाब्री, थोमस मुलर र काइ हाभर्ट्जले साथ दिनेछन् । विश्वकपमा १० गोल गरेका मुलर हाल खेलिरहेका खेलाडीमध्य सर्वाधिक गोलकर्ता हुन् ।
जर्मनीले मिडफिल्डमा इल्काए गुन्डोगन र जोशुवा किम्मिखलाई उतारेको छ । डिफेन्समा एन्टोनियो रुडीगर, निको स्लोटरबेक, डेविड रम र निकलस सुल रहेका छन् । कप्तान म्यानुएल नोएर गोलरक्षकमा नियमित छन् ।
जापानले जर्मन लिगमा खेल्ने खेलाडीसहित सुरुवाती ११ घोषणा गरेको छ । कप्तान माया योशिडासँगै दाइची कामाडा, आओ तानाका, कोउ इताकुरा र एन्डो वातारु जर्मन क्लबबाट खेल्दै आएका छन् ।
सुरुवाती ११ :
जर्मनी : म्यानुएल नोएर, डेविड रम, निको स्लोटरबेक, एन्टोनियो रुडीगर, निकलस सुल, जोशुवा किम्मिख, इल्काए गुन्डोगन, सर्ज नाब्री, थोमस मुलर, जमाल मुसियाला, काइ हाभर्ट्ज
जापान : शुइची गोन्डा, कोउ इताकुरा, युटो नागाटोमो, हिरोकी साकाई, माया योशिडा, वातारु एन्डो, ताकेफुसा कुबो, जुन्या इटो, दाइची कमाडा, आओ तानाका, डेजेन माएडा
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
काठमाडौं (हाम्रो खेलकुद)- नेपालले काभा वमन्स नेसन्स भलिबल लिगको उद्घाटन खेलमा श्रीलंकाको सामना गर्ने भएको छ। नेपालसहित ५ राष्ट्रको सहभागिता साउन १७ गते नेसन्स लिग सुरु हुँदैछ। नेपाल, श्रीलंकासहित इरान, भारत र माल्दिभ्सले नेसन्स लिगको उपाधिका लागि प्रतिस्पर्धा गर्नेछन्। आयोजक नेपाल भलिबल संघले शुक्रबार पत्रकार सम्मेलनमार्फत नेसन्स लिगको ट्रफी सार्वजनिक गरेको छ । गैर आवासीय […]