default_image

4 years ago

September 1, 2020

जमैकाले टस जित्यो

39 views

0 Bookmark

एजेन्सी – क्यारेबियन प्रिमियर लिग (सिपिएल) को २१ औं खेलमा नेपाली लेग स्पिनर सन्दीप लामिछाने सम्मिलित जमैका तलावाजले ट्रीनबेगो नाइट राइडर्सविरुद्ध टस जितेको छ ।

ब्रायन लारा स्टेडियममा भएको टसमा जितेर जमैका कप्तान रोभमान पवेलले पहिला बलिङ गर्ने निर्णय लिएका छन् । टोलीमा अलराउन्डर आन्द्रे रसेल फर्किएका छन् । रसेलले यस अघिका दुई खेल गुमाएका थिए । टोलीमा रसेल फर्किदा स्पिनर विरसामी पेरुमल भने बाहिरि रहेका छन् ।

सेमिफाइनलको यात्रा बलियो बनाउन जमैकालाई आजको खेल जित्नै पर्ने हुन्छ । यता नाइट राइडर्स जमैकालाई हराउँदै औपचारिक रुपमा सेमिफाइनलमा प्रवेश गर्न चाहन्छ । नाइट राइडर्स आफ्नो अपराजित यात्रा कायमै राख्ने चुनौतीका साथ मैदान प्रवेश गर्नेछ । यता जमैका राइडर्सलाई पहिलो हारको स्वाद चखाउन चाहन्छ ।

पहिलो खेलमा नाइट राइडर्सले तलावाजलाई ७ विकेटले हराएको थियो । नाइट राइडर्स ६ खेलमा १२ अंकका साथ शीर्ष स्थानमा छ । यता जमैका ६ खेलमा ६ अंकका साथ चौथो स्थानमा छ । दुई टोली बीच सिपिएलमा कुल १७ खेल भएका छन् । जसमा जमैका ९ खेलमा विजयी हुँदा ८ खेलमा पराजित भएको छ ।

नाइट राइडर्स प्लेइङ ११ : सुनिल नारायण, लेन्डल सिमन्स, कोलिन मुनरो, टिम सिफर्ट, काइरन पोलार्ड(कप्तान), ड्यारेन ब्राभो, अकील होसेन, ड्वेन ब्राभो, खारी पियरे, जेडन सेल्स र फवाद अहमद ।

जमैका प्लेइङ ११ : ग्लेन फिलिप्स, क्रुमा बोनर, जर्मेन ब्ल्याकवुड, रोभमान पवेल (कप्तान), आसिफ अली, आन्द्रे रसेल, चाडविक वाल्टन, कार्लोस ब्रेथवेट, मुजिब उर रहमान, सन्दीप लामिछाने र फिडेल एडवार्ड्स ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 20, 2024

फिफा वरियतामा नेपालको तीन स्थान सुधार

काठमाडौं (हाम्रो खेलकुद) – फिफाले सार्वजनिक गरेको पुरुष फुटबलको विश्व वरीयतामा नेपालले तीन स्थान सुधार गरेको छ । विहीबार सार्वजनिक भएको वरीयता अनुसार नेपाल १७५औं स्थानमा छ । यसअघि नेपाल १७८औं स्थानमा रहेको थियो। नेपालको वरीयता अंक बढेर ९३५.९३ भएको छ । विश्वकप छनोटको दोस्रो चरणका खेलमा युएई विरुद्ध हार बेहोरेको नेपालले यमन विरुद्ध बराबरी […]

June 20, 2024

चर्च ब्वाइजले एएफसी च्यालेन्ज लिग प्रारम्भिक छनोटमा पारो एफसी विरुद्ध खेल्ने

काठमाडौं (हाम्रो खेलकुद) – पछिल्लो सिजन सहिद स्मारक ए डिभिजन लिग विजेता टोली चर्च ब्वाइज युनाइटेड एसियाली फुटबलको तेस्रो तहको महाद्वीपीय प्रतियोगिता एएफसी च्यालेन्ज लिगबाट एक जित टाढा रहेको छ । एएफसीले सार्वजनिक गरेको छनोट यात्रा अनुसार चर्च ब्वाइजले भुटानी लिग विजेता पारो फुटबल क्लब विरुद्धको छनोट खेल आयोजना गर्ने भएको हो । खेल अगस्ट […]

Success

Thank you for your time.