एजेन्सी – क्यारेबियन प्रिमियर लिग (सिपिएल) को २५ औं खेलमा नेपाली लेग स्पिनर सन्दीप लामिछाने सम्मिलित जमैका तलावाजले सेन्ट किट्स एण्ड नेभिस प्याटियटसविरुद्ध पहिला बलिङ गर्ने भएको छ ।

ब्रायन लारा स्टेडियममा भएको टसमा जमैका कप्तान रोभमान पवेलले टस जितेर पहिला बलिङ गर्ने निर्णय लिएका हुन् । जमैकाले टोलीमा एक परिवर्तन गरेको छ । लगातार खराब प्रर्दशन गरि रहेका ओपनर चाडविक वाल्टनलाई बेन्चमा राख्दै स्पिनर विरसामी पेरुमललाई मौका दिएको छ ।

जमैकालाई सेमिफाइनल यात्रा बलियो बनाउन आजको खेल जित्नैपर्ने हुन्छ । यता सेन्ट किट्स आजको खेलमा पराजित भएमा लिग चरणबाट औपचारिक रुपमा बाहिरिने पहिलो टोली बन्ने छ । जमैका ७ खेलमा ३ मा जित र ४ मा हार सहित चौथो स्थानमा छ । सेन्ट किट्स ८ खेलमा ७ मा हार र १ मा जित सहित पुछारमा छ ।

सिपिएलमा यी दुई टोलीबीच कुल १२ खेल भएका छन् । जसमा जमैका ६ खेलमा विजयी हुँदा ६ खेलमा पराजित भएको छ । यसै सिजनको पहिलो खेलमा जमैका ३७ रनले विजयी भएको थियो ।

जमैका प्लेइङ ११ – ग्लेन फिलिप्स, क्रुमा बोनर, जर्मेन ब्ल्याकवुड, रोभमान पवेल (कप्तान), आसिफ अली, आन्द्रे रसेल, विरसामी पेरुमल, कार्लोस ब्रेथवेट, मुजिब उर रहमान, सन्दीप लामिछाने र फिडेल एडवार्ड्स ।