एजेन्सी – अन्तर्राष्ट्रिय क्रिकेट परिषद् (आइसिसी) ले २०२१ टि२० विश्वकप प्रदर्शनको आधारमा सार्वजनिक गरेको उत्कृष्ट ११ खेलाडीमा भारतीय खेलाडी अटाएका छैनन् । आइसिसीले टि२० विश्वकप २०२१ को मोष्ट भ्यालुएबल टिम अफ द टुनामेन्ट सार्वजनिक गर्दा कुनैपनि भारतीय खेलाडी परेका छैनन् ।

आइतबार फाइनलमा अष्ट्रेलियाले न्युजिल्यान्डलाई ८ विकेटले पराजित गर्दै उपाधि जितेको थियो । आइसिसीले सार्वजनिक गरेको मोष्ट भ्यालुएबल टिम अफ द टुनामेन्टमा भारतीय खेलाडीसँगै विश्वकपमा उत्कृष्ट प्रदर्शन गरेका पाकिस्तानका ओपनर मोहम्मद रिजवान पनि छैनन् । आइसिसीको विश्वकप उत्कृष्ट टोलीमा अष्ट्रेलियाबाट सर्वाधिक तीन खेलाडी अटाएका छन् । श्रीलंका, दक्षिण अफ्रिका र इंग्ल्यान्डबाट दुई दुई खेलाडी अटाएका छन् । पाकिस्तान र न्युजिल्यान्डबाट एक एक खेलाडी अटाएका छन् ।

दोस्रो चरणबाट बाहिरिएका दक्षिण अफ्रिका र श्रीलंकाबाट दुई दुई खेलाडी अटाएका छन् । आइसिसीले पाकिस्तान क्रिकेट टोलीका कप्तान बाबर आजमलाई कप्तान राखेको छ । इंग्ल्यान्डका विकेटकिपर जस बटलरलाई विकेटकिपर र मोईन अलीलाई अलराउन्डको भूमिकामा राखेको छ । आइसिसीले मोष्ट भ्यालुएबल टिम अफ द टुनामेन्ट यस प्रकार छ :

डेविड वार्नर (अष्ट्रेलिया) – २ सय ८९ रन

जस बटलर /विकेटकिपर (इंग्ल्यान्ड) – २ सय ६९ रन

बाबर आजम /कप्तान (पाकिस्तान) – ३ सय ३ रन

चारिथ असलंका (श्रीलंका) – २ सय ३१ रन

एडेन माक्ररम (दक्षिण अफ्रिका) – १ सय ६२ रन

मोईन अली (इंग्ल्यान्ड) – ९२ रन र ७ विकेट

वानिन्दु हसरंगा (श्रीलंका) – १६ विकेट र १ सय १९ रन

एडम जाम्पा (अष्ट्रेलिया) – १३ विकेट

जोश हेजलवुड (अष्ट्रेलिया) – ११ विकेट

ट्रेन्ट बोल्ट (न्युजिल्यान्ड) – ११ विकेट

एनरिच नोर्किया (दक्षिण अफ्रिका) – ९ विकेट

शाहिन शाह अफ्रिदी (१२ औं खेलाडी, पाकिस्तान) – ७ विकेट