काठमाडौं (हाम्रो खेलकुद) – नेपाली राष्ट्रिय महिला क्रिकेट टोलीले कतारसँग पहिलो टि२० आई खेलमा पहिला ब्याटिङ गर्ने भएको छ । दोहामा रहेको वेस्ट इन्टरनेशल क्रिकेट स्टेडियममा कतारकी कप्तान आयशाले टस जितेर पहिला फिल्डिङ गर्ने निर्णय लिएकी हुन् । नेपालले आज अलराउन्डर कविता जोशीलाई डेब्यू दिएको छ । कविता स्पिन बलिङसँगै तल्लोक्रममा आक्रामक सटहरु प्रहार गर्ने गर्दछिन् ।

नेपालले आइसिसी वुमन्स टि२० एसिया छनोट अघि नेपालले कतारसँग तीन टि२० आई सिरिज खेल खेल्न लागेको हो । नेपाली महिला क्रिकेट टोलीले पहिलो पटक अन्तर्राष्ट्रिय सिरिज खेल्दैछ ।

तुलनात्मक रुपमा कमजोर कतारमाथि नेपालको लक्ष्य सहज जित हुनेछ । अर्को सातादेखि युएईमा हुने एसिया छनोट तयारीको लागि नेपालले कतारसँग सिरिज खेल्न लागेको हो । कतार र युएईको वातावरण सुहाउँदो हुँदा खेलाडीलाई सहज हुनेछ । नेपालको लक्ष्य कतारको वातावरण बुझ्ने र ब्याटिङ सुधार हुनेछ ।

नेपाली महिला टोलीले २३ महिनापछि अन्तर्राष्ट्रिय खेल खेल्ने छ । पछिल्लो पटक नेपाली महिला क्रिकेट टोलीले १३ औं दक्षिण एसियाली खेलकुद ९साग० मा ७ डिसेम्बरमा पोखरामा खेलेको थियो । त्यसपछि नेपाली महिला क्रिकेट टोलीले अन्तर्राष्ट्रिय खेल भने खेलेका छैन । कोरोना महामारी र नेपाल क्रिकेट संघ (क्यान) को सुस्तताको कारण झण्डै दुई वर्षदेखि महिला क्रिकेट टोली अन्तर्राष्ट्रिय प्रतियोगिता र खेल बिहीन बनेको थियो ।

नेपालको प्लेइङ ११ : काजल श्रेष्ठ(विकेटकिपर), सीता रानामगर, करुणा भण्डारी, इन्दु बर्मा, सरिता मगर, सरस्वती चौधरी, रुविना क्षेत्री बेलबासे(कप्तान), संगिता राई, कविता कुँवर, अप्सरी बेगम र कविता जोशी