एजेन्सी – न्युजिल्यान्डले आगमी जनवरी फेब्रुअरीमा वेस्टइन्डिजमा हुने यू१९ विश्वकप नखेल्ने भएको छ । न्युजिल्यान्डले प्रतियोगिताबाट फर्केपछि आफ्ना खेलाडीले पालना गर्नुपर्ने मापदण्डका कारण यू१९ विश्वकपबाट आफ्नो नाम फिर्ता लिएको छ ।

घर फर्कने समयमा खेलाडीहरुलको लागि अनिवार्य क्वारेनटाइन मापदण्ड निकै कडा रहेकाले नाम फिर्ता लिएको आइसिसीले जनाएको छ । क्वारेन्टाइनले खेलाडीहरुलाई असर गर्ने भन्दै न्युजिल्यान्डले यो निर्णय लिएको हो । समूह डी मा रहेको न्युजिल्यान्डले नाम फिर्ता लिएपछि उसको स्थानमा स्कटल्यान्डले मौका पाएको छ ।

वेस्टइन्डिजमा पहिलो पटक यू१९ विश्वकप हुँदैछ । यू१९ विश्वकप १४ जनवरी देखि ५ फेब्रुअरीसम्म चल्नेछन् । १६ टिमबाट कुल ४८ म्याच हुनेछन् । १६ टोलीलाई ४ समूहमा बाँडिएको छ । यू१९ विश्वकप एन्टिगुवा, बर्बुडा, गुयाना र सेन्ट किट्स एण्ड नर्भिस तथा गरि ट्रिनिडाड र टोबागोका १० मैदानमा विश्वकपका खेलहरु हुनेछन् । हरेक समूह शीर्ष दुई टोली क्वाटरफाइनल खेल्न पाउनेछन् ।

यू१९ विश्वकपमा नेपाल भने छैन । कोरोना महामारीको कारण यू१९ एसिया विश्वकप छनोट नभएपछि यूएईले सोझै मौका पाएको थियो । गत संस्करणको उपाधि भारतलाई हराउँदै बंगलादेशको यू१९ टोलीले जितेको थियो । जुन बंगलादेशले जितको कुनैपनि विश्वकप उपाधि थियो ।

यू-१९ विश्वकपको समूह

समूह ए – बंगलादेश, इंग्ल्यान्ड, क्यानडा र युएई

समूह बी – भारत, आयरल्यान्ड, दक्षिण अफ्रिका र युगान्डा

समूह सी – अफगानिस्तान, पाकिस्तान, पपुवा न्युगिनी र जिम्बावे

समूह डी – अष्ट्रेलिया, स्कटल्यान्ड, श्रीलंका र वेस्टइन्डिज