2 years ago
November 19, 2021
एजेन्सी – न्युजिल्यान्डले तीन टि२० आई सिरिज अन्तर्गत दोस्रो खेलमा भारतलाई १ सय ५४ रनको मध्यम लक्ष्य दिएको छ । राँचीमा टस हारेर ब्याटिङको निम्तो पाएको न्युजिल्यान्डले निर्धारित २० ओभरमा ६ विकेट गुमाउँदै १ सय ५३ रन बनायो । न्युजिल्यान्डका मध्यमक्रमका ब्याटर ग्लेन फिलिप्सले २१ बलमा १ चौका र ३ छक्का सहित सर्वाधिक ३४ रन […]
एजेन्सी – न्युजिल्यान्डले तीन टि२० आई सिरिज अन्तर्गत दोस्रो खेलमा भारतलाई १ सय ५४ रनको मध्यम लक्ष्य दिएको छ । राँचीमा टस हारेर ब्याटिङको निम्तो पाएको न्युजिल्यान्डले निर्धारित २० ओभरमा ६ विकेट गुमाउँदै १ सय ५३ रन बनायो ।
न्युजिल्यान्डका मध्यमक्रमका ब्याटर ग्लेन फिलिप्सले २१ बलमा १ चौका र ३ छक्का सहित सर्वाधिक ३४ रन बनाए । न्युजिल्यान्डलाई ओपनर मार्टिन गुप्टिल र डर्याल मिचेलले पहिले विकेटका लागि ४.२ ओभरमा ४८ रन जोड्दै राम्रो सुरुवात दिलाएका थिए । तीव्र गतिका बलर दीपक चाहरको बलमा गुप्टिल टप एज लागेर विकेटकिपर ऋषभ पन्तबाट ३१ रनमा क्याच आउट भए । गुप्टिलले १५ बलमा ३ चौका र २ छक्का प्रहार गरे ।
मार्क च्यापम्यान १७ बलमा ३ चौकासहित २१ रनमा लोकेश राहुलबाट क्याच आउट भए । तीव्र गतिका बलर हर्षल पटेलको १२ औं ओभरको दोस्रो बलमा डर्याल मिचेल सूर्यकुमार यादवबाट ३१ रनमा क्याच हुन पुगेका थिए । मिचेलले २८ बलमा ३ चौका प्रहार गरे । हर्षलले डेब्यू विकेट हो । विकेटकिपर टिम सिफर्ट १५ बलमा १ चौकासहित १३ रनमा आउट भएका थिए ।
न्युजिल्यान्ड एक समय सुरुवाती १० ओभरमा ८४–२ को बलियो अवस्थामा थियो । तर त्यसपछि भने रनको गतिलाई निरन्तरता दिन नसक्दा मध्यम योगफलमै समेटिएको हो । तल्लोक्रमका जिमी निशम ३, मिचेल सान्टनर ८ र एडम मिल्नेले ५ रन बनाए ।
भारतका लागि डेब्यू खेल खेलेका तीव्र गतिका बलर हर्षल पटेलले ४ ओभरमा २५ रन खर्चेर २ विकेट लिए । भुवनेश्वर कुमार, रविचन्द्रन आश्विन, दीपक चाहर र अक्षर पटेलले १–१ विकेट लिए । सिरिजमा भारतले १–० को अग्रता लिई सकेको छ । पहिलो खेलमा भारत ५ विकेटले विजयी भएको थियो ।
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]