एजेन्सी – घरेलु टोली युएईले आइसिसी वुमन्स टि२० विश्वकप एसिया छनोटमा हङकङलाई ११ रनले पराजित गरेसँगै नेपाललाई अघिल्लो चरणको लागि फाइदा भएको छ । सोमबार नेपाल हङकङसँग ६ विकेटले पराजित भएको थियो ।

शीर्षस्थानमा रहेर नेपाललाई ग्लोबल छनोटमा पुग्न हङकङले एक खेल हार्नुपर्ने समिकरण बनेको थियो । अव नेपालले बाँकी चारै खेलमा जित निकालेको खण्डमा शीर्ष स्थानमा ग्लोबल छनोटमा पुग्न सक्नेछ । हङकङको हारले नेपाललाई अघिल्लो चरणको यात्रा केहि सहज बनाएको छ ।

जितको लागि १ सय २९ रनको विजयी लक्ष्य पछ्याएको हङकङले निर्धारित २० ओभरमा अल आउट हुँदै १ सय १७ रनमा समेटियो । हङकङकी नताशा मिल्स ३७ बलमा ५ चौका सहित सर्वाधिक ३७ रनको योगदान दिइन् । मारिको हिल र कप्तान केरी चानले २४–२४ रन बनाइन् । युएईकी चया मुगल र इशा रोहितले २–२ विकेट लिइन् ।

त्यसअघि आइसिसी एकेडेमी दुबईमा टस हारेर पहिला ब्याटिङ थालेको युएईले निर्धारित २० ओभरमा ७ विकेट गुमाउँदै १ सय २८ रन बनाएको थियो । युएईले इशा ओझाले २२, काभिसा इगोडागे २८ र चया मुगलले २० रनको योगदान दिए । हङकङकी केरी चानले ४ ओभरमा २३ रन खर्चेर ३ विकेट लिइन् ।

युएईले पहिलो खेलमा मलेसियालाई ३० रनले हराएको थियो । युएईले भुटान, कुवेत र नेपालसँग खेल्न बाँकी छ । नेपालले युएईलाई हराएको खण्डमा नेटरनरेटको आधरमा शीर्ष स्थानमा रहनसक्छ । बाँकी खेलमा विशाल जितको आवश्यक देखिन्छ । नेपालले आज भुटानसँग खेल्दैछ ।
युएई २ खेलमा ४ अंकका साथ शीर्षस्थानमा छ । हङकङको २ खेलमा १ मा जित र १ मा हार सहित दोस्रो स्थानमा छ । नेपाल १ खेलमा