एजेन्सी – न्युजिल्यान्डले घरेलु टोली भारतविरुद्ध पहिलो टेस्टको पहिलो इनिङमा उत्कृष्ट ब्याटिङ गरेको छ । दोस्रो दिनको समाप्तिमा न्युजिल्यान्डले ५७ ओभरमा कुनै विकेट नगुमाई १ सय २९ रन बनाएको छ । समग्रमा पाहुना टोली न्युजिल्यान्ड २ सय १६ रनले पछि छ ।

न्युजिल्यान्डका ओपनर विल योंगले १ सय ८० बलमा १२ चौका प्रहार गर्दै ७५ रनमा अविजित छन् । टम लाथम १ सय ६५ बलमा ४ चौका सहित ५० रनमा अविजित छन् । दुबै ओपनरले उत्कृष्ट ब्याटिङ गरेपछि न्युजिल्यान्डले उत्कृष्ट सुरुवात पाएको छ ।

दोस्रो दिनको पहिलो सेसनमा भारत १११.१ ओभरमा ३ सय ४५ रनमा अल आउट भयो । भारतका श्रेयस ऐरले टेस्ट डेब्यूमै १ सय ७१ बलमा १३ चौका र २ छक्का सहित १ सय ५ रनको शतकीय इनिङ्स खेले । रविन्द्र जडेजा १ सय १२ बलमा ६ चौका सहित ५० रनमा बोल्ड आउट गरे ।

८४ ओभरमा २५८(४ को अवस्थाबाट दोस्रो दिन सुरुवात गरेको भारतलाई तीव्र गतिका बलर टिम साउथीले धरासय बनाएका थिए । दोस्रो दिनको तेस्रो ओभरमै टिम साउथीले जडेजालाई बोल्ड गरे । साउथीलेनै विल योंगबाट श्रेयस ऐरलाई ९७ औं ओभरमा क्याच गराएपछि न्युजिल्यान्ड खेलमा फर्किएको थियो । तल्लोक्रमका रविचन्द्रन आश्विनले ५६ बलमा ५ चौका सहित ३८ रन जोडेका थिए ।

कानपुरमा टस जितेर पहिला ब्याटिङ थालेको भारतलाई पहिलो दिन पाँचौं विकेटका लागि जडेजा र ऐरले २ सय ८ बलमा १ सय १३ रनको शतकीय साझेदारी गरेपछि भारत मजबुत अवस्थामा पुगेको थियो । समग्रमा यी दुई जोडीले २ सय २६ बलमा १ सय २१ रनको साझेदारी गरे ।

ओपनर मयंक अग्रवाललाई १३ रनमा गुमाएपनि सुभमन गिल र चेतेश्वर पुजाराले सम्हाल्लेका थिए । दोस्रो विकेटका लागि पुजारा र गिलले १ सय ३३ बलमा ६१ रनको साझेदारी गरेका थिए । गिललाई तीव्र गतिका बलर काइल जेमिसनले ५२ रनमा बोल्ड आउट गरे । ९३ बल खेलेका गिलले ५ चौका र १ छक्का प्रहार गरे । टिम साउथीको बलमा क्याच आउट हुनुअघि पुजाराले ८८ बलमा २ चौका सहित २६ रन जोडे ।

जेमिसनले कप्तान अजिंक्या रहाणेलाई ३५ रनमा बोल्ड आउट गरेका थिए । ६३ बलमा रहाणेले ६ चौका प्रहार गरे । न्युजिल्यान्डका टिम साउथीले सर्वाधिक ५ विकेट लिए । काइल जेमिसनले ३ , स्पिनर अजाज पटेलले २ र टिम साउथीले १ विकेट लिए ।