3 years ago
November 27, 2021
काठमाडौं (हाम्रो खेलकुद) – त्रिभुवन आर्मी क्लबले हरपुर क्रिकेट च्याम्पियन ट्रफीको उपाधि जितेको छ । आर्मीले फाइनलमा नेपाल एपिएफ क्लबलाई ३ विकेटले हराउँदै उपाधि जितेको छ । टस जितेर ब्याटिङ थालेको एपिएफ १७.२ ओभरमा ७० रनमा अल आउट भयो ।
पुरन विकले १६ बलमा १ चौका र २ छक्का सहित सर्वाधिक २४ रन बनाए । भुवन कार्की १६ बलमा १ चौका र १ छक्का प्रहार गर्दै १५ रन जोडे । ओपनर रित गौतम १, आसिफ शेख ४ र सुमित महर्जन ६ रनमा आउट भए । आर्मीका विक्रम सोबले ४ ओभरमा १ मेडन राख्दै ७ रन खर्चेर १ विकेट लिए । साहब आलम र कुशल मल्लले २–२ विकेट लिए ।
जवाफी ब्याटिङ थालेको आर्मीले १९.२ ओभरमा ७ विकेट गुमाएर पूरा गर्यो । सोमपाल कामी ११, भीम सार्की १० र विनोद भण्डारी ८ रनमा आउट भए । रोहित कुमार पौडेल ३७ बलमा १ चौका र १ छक्का सहित २३ रनमा अविजित रहे । एपिएफका अमरसिंह राउटेलाले सर्वाधिक २ विकेट लिए । विपिन खत्री, भुवन कार्की, दीपक बोहरा र सुमित महर्जन १–१ विकेट लिए ।
हरपुर क्रिकेट क्लबको आयोजनामा भएको प्रतियोगिता विजेताले १ लाख र उपविजेताले ५० हजार प्राप्त गरेका थिए । प्रतियोगिता सर्वोत्कृष्ट खेलाडी आर्मीका स्पिनर साहब आलम र उत्कृष्ट ब्याटर प्रदेश २ का विशाल शुश्लिङ चुनिए । उत्कृष्ट बलर लुम्बिनी प्रदेशका स्पिनर दीपेन्द्र राउत चुनिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]