काठमाडौं(हाम्रो खेलकुद) – नेपालले पहिलो अभ्यास खेलमा श्रीलंका स्थानीय टोली श्रीलंका नेभीविरुद्ध कमजोर ब्याटिङ गरेको छ । टस जितेर पहिला ब्याटिङ थालेको नेपालले १६ ओभरमा ४ विकेट गुमाउँदै ८४ रन बनाएको छ ।

नेपालले एक सय रन बनाउन नपाउँदै आफ्ना प्रमुख चार ब्याटर गुमाएपछि समस्यामा परेको छ । नेपालले ओपनर कुशल भुर्तेललाई १३ र अनुभवी ब्याटर ज्ञानेन्द्र मल्ललाई २ रनमा गुमाएको थियो । युवा ओपनर आसिफ शेख भने ३६ रनमा आउट भए । रोहित कुमार पौडेल १३ रन आउट भएपछि नेपाल दबाबमा परेको छ । क्रिजमा दीपेन्द्रसिंह ऐरी र विनोद भण्डारी छन् ।

युएईमा हुने आइसिसी विश्वकप लिग-२ त्रिकोणात्मक ओडिआई त्रिकोणात्मक सिरिज अघि नेपालले श्रीलंकामा चार अभ्यास खेल खेल्नेछ श्रीलंकामा एक हप्ताको बसाईंपछि मार्च १४ मा नेपाली टोली युएई पुग्नेछ । विश्वकप लिग–२ मा नेपालले मार्च १६ देखि २२ सम्म युएई र पपुवा न्युगिनीसँग खेल्नेछ ।

नेपालको प्लेइङ ११ : सन्दीप लामिछाने, दीपेन्द्रसिंह ऐरी, ज्ञानेन्द्र मल्ल, करण केसी, कुशल भुर्तेल, आसिफ शेख, कमलसिंह ऐरी, विनोद भण्डारी, बिक्रम सोब, सागर ढकाल र रोहित कुमार पौडेल ।