काठमाडौं (हाम्रो खेलकुद) – नेपालका दीपेन्द्रसिंह ऐरी र आदिल अन्सारीले एकै ओभरमा ३२ रन हानेका पपुवा न्युगिनीका तीव्र गतिका बलर नोसैना पोकना टोलीबाटै बाहिर भएका छन् । त्रिकोणात्मक टि२० आई सिरिजमा पपुवा न्युगिनीले मलोसियाविरुद्ध उनलाई प्लेइङ ११ मा होईन टसमा बुझाएको अन्तिम १५ खेलाडीको लिष्ट मै राखेको छैन ।

टियु क्रिकेट मैदानमा टस जितेर पहिला फिल्डिङ रोजेको पपुवा न्युगिनीले प्लेइङ ११ मा उनको स्थानमा सेमो कमियालाई मौका दिएको छ । पोकना अन्तिम १५ मै छैनन् । १९ औं ओभरमा पोकनालाई आदिल र दीपेन्द्रले ३२ रन हानेका थिए ।

जुन नेपालले टि२० आईमा एकै ओभरमा बनाएको सर्वाधिक रन हो । टि२० आई मात्र नभएर सम्भव त अन्तर्राष्ट्रिय क्रिकेटमा नेपालले बनाएको यो एकै ओभरमा सर्वाधिक रन हो । विश्वको टि२० आईमा एकै ओभरमा बनाएको चौथो धेरै रन हो ।

आदिल अन्सारीले पहिलो बलमा चौका प्रहार गरेका थिए । दोस्रो र तेस्रो बलमा आदिलले दुई सानदार छक्का प्रहार गरे । तेस्रो नो बलमा पुन छक्का प्रहार गर्दा चौथो बलमा तीन रन बटुलेका थिए । पाँचौं बलमा दीपेन्द्रसिंह ऐरीले सानदार छक्का प्रहार गरेपछि नेपाललाई दुर्लभ विश्व कीर्तिमान बनाउने अवसर बनेको थियो ।

अन्तिम बलमा छक्का प्रहार गरेको भए टि२० आई एकै ओभरमा सर्वाधिक रन बनाउने जोडी बन्न पुग्थें । तर दीपेन्द्र लङअफमा टोनी उराबाट क्याच भएपछि दुर्लभ कीर्तिमानबाट चुकेका थिए ।

पपुवा न्युगिनीलाई फाइनलमा पुग्न मलेसियालाई फराकिलो अन्तरले हराउनुपर्छ । त्यतिमात्र होईन अन्तिम खेलमा शनिबार मलेसियाले नेपालसँग पनि फराकिलो अन्तरले हार्नु पर्छ । यो अवस्थामा दुबै टोलीको २-२ अंक हुँदा नेटरनरेटको आधारमा पपुवा न्युगिनी फाइनलमा पुग्न सक्छ । पपुवा न्युगिनी पहिलो खेलमा नेपालसँग १५ रन , मलेसियासँग ८ रन र नेपालसँग ३७ रनले पराजित भएको थियो ।

मलेसिया यस खेलमा विजयी भएमा भने स्वत फाइनलमा पुग्नेछ । यस खेलमा पराजित भए पनि अन्तिम खेलमा नेपाललाई हराएमा मलेसिया फाइनलमा पुग्नेछ ।

९ ओभरमा २ विकेट गुमाउँदै ७६ रन बनाएको छ।

पपुवा न्युगिनीको प्लेइङ ११ :

असाद भाला (कप्तान), लेगा सियाका, टोनी उरा, सेसे बाउ, चाल्र्स अमिनी, सिमोन आइती, चाद सोपर, नर्मन भानुआ, राइली हेकुरे, काबुआ मोरेआ र सिमो कमिया ।

दीपेन्द्र र आदिलले बनाए नयाँ कीर्तिमान