2 years ago
April 7, 2022
काठमाडौं (हाम्रो खेलकुद) – एभरेष्ट प्रिमियर लिग (इपिएल) को फ्रेन्चाइज टोली ललितपुर प्याट्रीयटर्सले द प्याट्रीयटर्स कप वार्षिक अन्तर कलेज टि२० क्रिकेट प्रतियोगिता आयोजना गर्ने भएको छ । प्रतियोगिता चैत २६ देखि वैशाख ३ (अप्रिल ९ देखि १६) सम्म मुलपानी क्रिकेट मैदानमा हुनेछ ।
बिहीबार ललितपुरले एक पत्रकार सम्मेलन गर्दै प्रतियोगिता बारे जानकारी दिएको छ । प्रतियोगितामा ८ कलेजले भाग लिनेछन् । ललितपुरका सिईओ निरज कोइरालाले यस प्रतियोगिताका दुई उत्कृष्ट खेलाडी इपिएल २०२२ को लागि ललितपुरको टोलीबाट खेल्न पाउने बताएका छन् ।
अर्थात इपिएलमा ललितपुरले ट्यालेन्ट हन्टबाट लिने ४ मध्य दुई खेलाडी यसै प्रतियोगिताको आधारमा लिनेछ ।
यस प्रतियोगितामा उत्कृष्ट प्रदर्शन गर्ने दुई खेलाडीले सोझैं इपिएल खेल्न पाउनेछन् । खेलाडी भने जुनसुकै स्तर खेलेका पनि खेल्न पाउनेछन् । तर कलेजको विद्यार्थी भने हुनुपर्नेछ । प्रतियोगिता व्यवस्थापन भने अल्फा स्पोटर््स एकेडेमी बाफलले गर्नेछ । ललितपुरका सिइओ निरजका अनुसार प्रतियोगिता कुल खर्च २२ देखि २५ लाख लाग्नेछ ।
प्रतियोगितामा ८ सहभागी कलेजलाई २ समूहमा विभाजन गरिनेछ । कुल १५ खेल हुनेछन् । हरेक समूहमा शीर्ष दुई टोली सेमिफाइनलमा पुग्नेछन् । प्रतियोगिता विजेताले १ लाख र उपविजेताले ५० हजार रुपैयाँ पाउनेछन् । प्रतियोगिता सर्वोत्कृष्ट खेलाडी (प्लेयर अफ द टुनामेन्ट) हुनेले २५ हजार, उत्कृष्ट ब्याटर र बलरले १५–१५ हजार रुपैयाँ प्राप्त गर्नेछन् ।
प्रतियोगितामा गोल्डेन गेट इन्टरनेशनल कलेज, हिमालयन ह्वाइट हाउस इन्टरनेशनल कलेज, एपेक्स कलेज, ब्लू बर्ड कलेज, टेक्सास इन्टरनेशल कलेज, मोर्गन इन्टरनेशल कलेज, एडभान्स एकेडेमी र ओमेगा कलेज सहभागी छन् । इपिएल २०१८ को च्याम्पियन फ्रेन्चाइज टोली हो । यस सिजनको इपिएलमा भने ललितपुर १ मा जित र ३ मा हार सहित पाँचौं स्थानमा रहेर बाहिरिएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]